கூடும் குருவியும் தரும் பாடம்
இலையின் நார் நரம்புகளை பறந்து பறந்து எடுத்து வந்து சேர்க்கும்
எடுத்த நார் நரம்புகளை உடனே பறந்து பறந்து தொகுத்து எடுத்துக் கோர்க்கும்
ஆடும் காற்றோடு சேர்ந்து ஆடினாலும் வாழ்வைத் தொடர முயன்றுப் பார்க்கும்
சிறுகச் சிறுகச் சேர்த்து பெருகப் பெருக வாழும் வழிக்கான கண்கூடானப் பாடம்
ஆண் துணை இறந்தால் மனம் உருகி உருகிக் கிடந்து உயிரை விடும் பாடம்
தொங்கும் கூட்டில் தங்கும் பக்குவத்தை தூக்கணாங் குருவி தரும் பாடம்!
- தஞ்சை த இராமநாதன்
இட்லியோ இட்லி
தென்னிந்திய சத்தான உணவு வகை இட்லி
தமிழ்நாட்டின் கெத்தான உணவு வகை இட்லி
இருப்போர்க்கும் ஏற்ற உணவு வகை இட்லி
இல்லார்க்கும் ஏற்ற உணவு வகை இட்லி
உளுந்தும் அரிசியும் நன்னீரில் நன்றாக ஊறும்
அரைபட்டு பக்குவமாக மாவாக பூபோல் உருமாறும்
இரவு முழுதும் ஒன்று கலந்து நொதித்துப் பொங்கும்
மாவை அவித்தால் உடனே சாப்பிட மனம் ஏங்கும்
சாம்பாருடன் இட்லிக்கு தாராளக் கூட்டணி
தேங்காய்ச் சட்னியுடன் தரமானக் கூட்டணி
மிளகாய்ச் சட்னியுடன் காரசாரக் கூட்டணி
தக்காளிச் சட்னியுடன் சமபந்திக் கூட்டணி!
- தஞ்சை த இராமநாதன்
உண்மையாகுமா பொம்மை?
தலையாட்டிப் பொம்மையாக இருந்தால்
தன்மானமற்ற வாழ்வை வாழலாம்
எடுப்பார் கைப்பிள்ளையாக இருந்தால் எல்லோருக்கும் அடிமையாக வாழலாம்
பொம்மைக்கு மகத்துவம் இருப்பதால்
உண்மைக்கு சங்கூதி வாழலாம்
நம்மைப் போல் பொம்மை இருப்பதால்
உண்மையைப் பொய்யாக்கி வாழலாம்
பொம்மையை உட்கார வைத்ததால்
உண்மையை எழாவிடாமல் வாழலாம்
பொம்மையை ஆடம்பரமாக வைத்ததால்
உண்மையைக் கேளியாக்கி வாழலாம்!
- தஞ்சை த இராமநாதன்
போட்டி பொறாமை - மகிழ்ச்சி இகழ்ச்சி
காலைத் தூக்கி விழாது ஓடிப் போய் வென்றால் மகிழ்ச்சி
காலை வாரி தடுமாறி விழ வைத்து வென்றால் இகழ்ச்சி
மற்றவனைவிட அயராது உழைத்து வாழ்ந்தால் மகிழ்ச்சி
மற்றவனை ஏய்த்துப் பிழைத்து வாழ்ந்தால் இகழ்ச்சி
தான் மேன்மேலும் உயரப் பாடுபட்டு வாழ்ந்தால் மகிழ்ச்சி
அடுத்தவனை வாழ விடாது தடுத்து வாழ்ந்தால் இகழ்ச்சி
தான் சார்ந்தோரைவிட பணக்காரனாக வாழ்ந்தால் மகிழ்ச்சி
தான் சார்ந்தோரை ஏழைகளாக்கி வாழ்ந்தால் இகழ்ச்சி!
- தஞ்சை த இராமநாதன்
காலங்களும் காயங்களும்
தவழ்ந்தக் காலங்களைத் தொடர்வது நடந்தக் காலங்கள்
நடந்தக் காலங்களைத் தொடர்வது ஓடியக் காலங்கள்
ஓடியக் காலங்களைத் தொடர்வது ஓய்ந்தக் காலங்கள்
ஓய்ந்தக் காலங்களோடு முடிவடைவது ஆயுள் காலங்கள்!
மனதைச் சுட்டக் காயங்கள் வாழ்வோடு வாழும் காயங்கள்
உடலைச் சுட்டக் காயங்கள் தழும்போடு மறையும் காயங்கள்!
- தஞ்சை த இராமநாதன்
முட்டாள்கள் பலவிதம்
அநியாயத்தைப் பார்த்து அமைதியாக இருந்தால் முட்டாள்
ஆபத்தை அறிந்தும் அமைதியாக இருந்தால் முட்டாள்
இழிச்சொல் பெற்று அமைதியாக இருந்தால் முட்டாள்
ஈவு இரக்கமற்று நடித்து அமைதியாக இருந்தால் முட்டாள்
வெட்டிப் பேச்சை தட்டிக் கேட்காமல் கெட்டால் முட்டாள்
பொய்யானப் பேச்சை கேட்டுக் கேட்டுக் கெட்டால் முட்டாள்
சொல்லடிக்கு பதிலடிக் கொடுக்காது கேட்டால் முட்டாள்
ஆளுக்காள் அம்பலத்தை அமைதியாகக் கேட்டால் முட்டாள்!
ஆனால்,
ஆசையைத் துறந்து ஆடம்பரத்தை மறந்து அமைதியுடன் அமர்ந்தால்....
யாவரும் உத்தம புத்தனே!
- தஞ்சை த இராமநாதன்
எல்லாமே அரசியல்
இனிப்பைக் கேட்டால் மிளகாய்க் கொடுப்பதும்
மிளகாயைக் கேட்டால் மிளகைக் கொடுப்பதும்
இளநீரைக் கேட்டால் இள நீராக் கொடுப்பதும்
பழமதைக் கேட்டால் பல மதைக் கொடுப்பதும்
கோட்டைக்குப் போக நோட்டைக் கொடுப்பதும்
கோட்டைக்குப் போனதும் கேட்டைக் கொடுப்பதும்
தெரியாதா என்ன?
- தஞ்சை த இராமநாதன்
முன்னோக்கியப் பயணம்...
இங்கிருந்து அங்கே சென்றால் அது முன்னோக்கியப் பயணம்
அங்கிருந்து இங்கே வந்தால் அதுவும் முன்னோக்கியப் பயணம்
எங்கே போகிறோமெனத் தெரிந்தால் முன்னோக்கியப் பயணம்
எதற்குப் போகிறோமெனத் தெரிந்தால் முன்னோக்கியப் பயணம்
இறந்து முடிந்து பிறந்துத் தொடருவது முன்னோக்கியப் பயணம்
இறப்பு முடிந்து பிறப்பும் முடிந்தால் அதுவே முழுமையுறும் பயணம்!
- தஞ்சை த இராமநாதன்
இன்று வானிலை தினம்
வான் நிலை வானிலை அது ஒவ்வொரு தினமும் மாறும் நிலை
வான் நிலை வானிலை இன்று அதன் தினமாகவே மாறிய நிலை
வான் நிலை வானிலை அது சில நேரம் பூமியைக் குளிரூட்டும் நிலை
வான் நிலை வானிலை அது சில நேரம் பூமியைச் சூடாக்கும் நிலை
ஆகவே,
பூமியைப் பார்த்து வானம் சொன்னது அதிகம் சூடாகி விடாதே!
உடனே,
வானைப் பார்த்து பூமி சொன்னது என்னை சூடாக்கி விடாதே!
- தஞ்சை த இராமநாதன்
விழ விடாது விழுது
படர்ந்து விரிந்து குளிரான நிழல் தரும் ஆலமரம்
பறவைகளுக்கு சிவந்தப் பழம் தரும் ஆலமரம்
அடித்தூர் அகலமாகப் பெருக்கும் ஆலமரம்
அடிவேர் நல்ல ஆழத்துடன் இருக்கும் ஆலமரம்
பால் வடியும் இலையுடன் ஆலமரம்
பல் வலியைக் குணமாக்கும் ஆலமரம்
கிளைகள் வழி விழுதை விடும் ஆலமரம்
விழுது வழி விழாது நிற்கும் ஆலமரம்
போத்தை ஊனி வைத்தால் மரமாகும் ஆலமரம்
கோயில் குளம் ஆறு வீதியென எங்கும் ஆலமரம்
எங்கக் குளத்தோரம் பழம்பெரும் இரு ஆலமரம்
எங்க அய்யாவு தாத்தா வைத்துக் காத்த ஆலமரம்!
- தஞ்சை த இராமநாதன்
நினைவில் நிற்கும் மாமரங்கள்
கல்யாணப் பந்தலில் பழுத்து விழுந்த எங்க வீட்டு வாசல்-மாமரப் பழம் சிறப்பு
எங்க களத்தருகே காயிலேயே சிவந்தக் கொத்தான செந்தூராப் பழம் சிறப்பு
எங்க போரடி நொண்டி மரத்தில் காய்த்த
பெரிய உருண்டைப் பழம் சிறப்பு
எங்க மேலக் கொல்லை நீலம் மரத்தின் காய் தரையை தட்டிய விதம் சிறப்பு
இளம் மரத்தில் ஏராளமாய்க் காய்த்த எங்க வீட்டு ஒட்டுப் பழம் அதி சிறப்பு
உயரமான மரத்தில் சடை சடையாய்க் காய்த்த கரண்டக் காச்சிப் பழம் சிறப்பு
அசைத்தால் விழும் பெரியம்மா வீட்டு சர்க்கரைக் காச்சிப் பழம் சிறப்பு
அம்மாச்சி வீட்டு பெரிய ஒட்டு மரம் ஆயிரக் கணக்கில் காய்த்தது சிறப்பு
அடை மாங்காயாக அலாதி சுவையைத் தந்த தாத்தா வீட்டு மா சிறப்போ சிறப்பு!
- தஞ்சை த இராமநாதன்
சின்னச் சின்ன சிட்டே
பட்டெனப் பறக்கும் சின்னச் சிட்டே!
சட்டெனப் பறக்கும் வண்ணச் சிட்டே!
கூடு கட்டத் தெரிந்த சின்னச் சிட்டே!
கூடி வாழத் தெரிந்த வண்ணச் சிட்டே!
தேனுக்காக திட்டமிடும் சின்னச் சிட்டே!
பூவுக்காக நோட்டமிடும் வண்ணச் சிட்டே!
அழகான அலகுடைய சின்னச் சிட்டே!
அரிதான நிறமுடைய வண்ணச் சிட்டே!
பன்னிசையில் பாடும் சின்னச் சிட்டே!
பால்கனியில் பாடும் வண்ணச் சிட்டே!
உலகெங்கும் மகிழ்வுடன் பாடும் சிட்டே!
உலகம் மகிழவும் பாட்டைப் பாடு சிட்டே!
- தஞ்சை த இராமநாதன்
இதற்காகவா பெண்ணுரிமை?
கண்டவுடன் காதல் வலை அதற்கா பெண் உரிமை?
கண்டவனுடன் காதல் அலை அதற்கா பெண் உரிமை?
கண்டவுடன் ஆடல் பாடல் அதற்கா பெண் உரிமை?
கண்டவனுடன் ஓடல் கூடல் அதற்கா பெண் உரிமை?
காமம் தீர்க்கக் காதல் செய்தல் அதற்கா பெண் உரிமை?
மோகம் தீர்க்கக் காதல் செய்தல் அதற்கா பெண் உரிமை?
சிறு வயதில் போதைப் பழக்கம் அதற்கா பெண் உரிமை?
சிறு வயதில் புகைப் பழக்கம் அதற்கா பெண் உரிமை?
கடமை கட்டுப்பாடு வேண்டாம் அதற்கா பெண் உரிமை?
பண்பாடு நாகரீகம் வேண்டாம் அதற்கா பெண் உரிமை?
அடுப்பூதும் பெண்ணுக்கு படிப்பெதற்கு கேட்டோம் அன்று அது நன்று!
கலாச்சாரமற்றப் பெண்ணுக்கு படிப்பு எதற்கு கேட்போம் இன்று அதுவே நன்று!
- தஞ்சை த இராமநாதன்
மூன்று மூன்றும் ஒன்றே
வேரில்லாது தனியாக வளரும் தண்டில்லை
தண்டில்லாது தானாகக் கனியும் கனியில்லை
உடலில்லாது அகத்தினுள் மகிழும் மனமில்லை
மனமில்லாது கடன் தீர்ந்து விடுபடும் ஆன்மாயில்லை
உயிர்மெய் இல்லாது மெய்யாக மெய்யில்லை
மெய்யில்லாது உணர்வோடு வாழும் உயிரில்லை!
- தஞ்சை த இராமநாதன்
மாற்றமோ மாற்றம்
கையால் மேழியுடன் வயலை உழுவதில் மாற்றம்
கையால் எடுத்து நாற்றை நடுவதிலும் மாற்றம்
கையால் கதிர் அரிவாளால் அறுப்பதில் மாற்றம்
கையால் ஏற்றத்தில் இறைத்தலிலும் மாற்றம்
கையால் பிடித்து பனையேறுவதில் மாற்றம்
கையால் பானையை வனைவதிலும் மாற்றம்!
- தஞ்சை த இராமநாதன்
வங்கிகளும் வாங்கிகளும்
பணம் வாங்கச் செல்லுது ஒரு கூட்டம்
பணம் போடச் செல்லுது ஒரு கூட்டம்
பத்தாமல் வாங்குது ஒரு கூட்டம்
பதுக்காமல் போடுது ஒரு கூட்டம்
வாங்கியவருக்கு கடனால் திண்டாட்டம்
போட்டவருக்கு வட்டியால் கொண்டாட்டம்
கடனை வாங்கும்போது பணக் கஷ்டம்
கடனை அடைக்கும்போது மனக் கஷ்டம்
வங்கி உறவு வங்கியோடு முடியும்
வாங்கி ஓடும் உறவு அடியோடு முறியும்
காசுக்கு ஏத்த தோசை அதுவும் தெரியும்
காசேதான் கடவுள் அதுவும் புரியும்!
- தஞ்சை த இராமநாதன்
எரிந்து எழுந்த காமன் பண்டிகை
போகாதே என்று சொன்னார் சிவன் போவேன் என்று சொன்னார் பார்வதி
போய்விடு என்று சொன்னார் சிவன்
திரும்பி வந்து நொந்து நின்றார் பார்வதி
கடுந்தவம் கொண்டு அமர்ந்தார் சிவன்
தவத்தைக் கலைக்க முற்பட்டார் பார்வதி
நெடுந்தவத்தைத் தொடர்ந்தார் சிவன்
மன்மதன் உதவியை நாடினார் பார்வதி
ஐம்மலர்கள் அம்பினன் அழகு மன்மதன்
காமனின் பேரழகு மனையாள் ரதி
தவத்தைக் கலைக்க அம்போடு காமன்
தடுக்கப் போராடிய அன்போடு ரதி
சிவன் மீது விட்டார் மலரம்பை காமன்
எரித்தவரிடம் எரிந்தவரைக் கேட்டார் ரதி
ரதிக்கென உருவம் கொண்டார் காமன்
கல்லான காமனைக் கண்டார் ரதி!
"தீயவை தீயோடு போகட்டும்
நல்லவை நிலைத்து நிற்கட்டும்"
- தஞ்சை த இராமநாதன்
பாப்பா பாட அழ வள்ளியப்பா
அழாதே அழாதே செல்லப் பாப்பா
அழ வைத்தவரை சொல்லுப் பாப்பா
அழாதே அழாதே தங்கப் பாப்பா
அழுவதிலும் அழகான எங்கப் பாப்பா
மாம்பழம்னா மல்கோவா சுவை பாப்பா
பாலுன்னா பால்கோவா சுவை பாப்பா
வானத்திற்கு நிலா அது வெள்ளியப்பா
கானத்திற்கு நிலா அவர் அழ வள்ளியப்பா!
- தஞ்சை த இராமநாதன்
நீர் நிறைந்த உலகம்
மழை பெய்யும் முன்னே பெய்யுமளவு அறிந்தால் மேட்டை நோக்கலாம்
மழை கொட்டும் முன்னே கொட்டுமளவு அறிந்தால் வீட்டை நோக்கலாம்
கொட்டோ கொட்டெனக் கொட்டுமளவு அறிந்தால் நாட்டைக் காக்கலாம்
மாரி மாறி அருவியாகக் கொட்டுமளவு
அறியாததால் பாட்டை முடிக்கலாம்!
- தஞ்சை த இராமநாதன்
இறந்தோரை மறந்தது நன்றோ?
பிறந்தார் இறந்தபின் எங்கே எப்படி மறைந்தாரோ?
இறந்தார் இறந்தபின் எங்கே எப்படி இருக்காரோ?
இறந்தார் இருந்தோரை மறந்து எப்படி மறைந்தாரோ?
இருந்தார் இறந்தோரை மறந்து எப்படி இருக்காரோ?
இறக்குமுன் வலி தாங்காது எப்படித் துடித்தாரோ?
இறந்தபின் விதியை எண்ணி எப்படி இருக்காரோ?
அழுதபோது இறந்தார் கண்மூடி எப்படி
இருந்தாரோ?
இறந்தார் அழும்போது இருப்பார் எப்படி கண்மூடி இருக்காரோ!
- தஞ்சை த இராமநாதன்
தோழர்கள்-தோழிகள்-தோல்விகள்
ஆறுதலுக்காகத் தோள் கொடுத்தது கடந்தக்கால கதை
மாறுதலுக்காகத் தோள் கொடுப்பது நடப்புக்கால கதை
தோழனுக்குத் தோழன் தோள் கொடுத்ததும் முடிந்தக் கதை
தோழிக்குத் தோழி தோள் கொடுப்பதும் நடக்காதக் கதை
தோலைப் பார்த்து தோள் கொடுப்பது அவமானக் கதை
கள்ளத் தோழனை கள்ளத் தோழி தேடி ஓடுவது கலிகாலக் கதை!
- தஞ்சை த இராமநாதன்
உணர்வோடு கலந்த என் அப்பாயி
உயரமானப் பெண்மணி என் அப்பாயி
உயர்வானப் பெண்மணி என் அப்பாயி
உழைத்தப் பெண்மணி என் அப்பாயி உயர்ந்தப் பண்பினள் என் அப்பாயி
அதிக விசயம் அறியாதவர் என் அப்பாயி
அவசிய விசயம் அறிந்தவர் என் அப்பாயி
வீண் பேச்சைப் பேச விரும்பாதவர் என் அப்பாயி
விவசாயமே மூச்செனக் கொண்ட என் அப்பாயி
ராமராசென என்னை அழைத்த என் அப்பாயி
ராசிக்காரனென என்னை அழைத்த என் அப்பாயி
அணைத்துத் தூங்க வைத்த என் அப்பாயி
அறிவுரை சொல்லி ஊக்கப்படுத்திய என் அப்பாயி
வெள்ளை முறுக்குக் கொடுத்த அப்பாயி
என் வீர வரை மீசையை ரசித்த அப்பாயி
கண்கட்டியைக் கண்காணித்த அப்பாயி
நாக்கால் கட்டியை நீக்கிய என் அப்பாயி
8ம் நிலை தேர்வுக்கு அனுப்பிய அப்பாயி
எட்டாத நிலைக்கு சென்றாயே அப்பாயி
போய் வாவென சொன்னாயே என் அப்பாயி
போய் விடுவாயென சொல்லலியே என் அப்பாயி!
- தஞ்சை த இராமநாதன்
காக்கும் தொழிலே மருத்துவம்
பிறக்கும் சேயைத் தாயோடு சேர்த்துக் காக்கும் தொழிலே மருத்துவம்
பிறந்தப் பிள்ளையைப் பார்த்துக் காக்கும் தொழிலே மருத்துவம்
தவழும் பிள்ளையைப் பலமாக்கிக் காக்கும் தொழிலே மருத்துவம்
எதிர்பாராத நோயைப் போராடிக் காக்கும் தொழிலே மருத்துவம்
முதிர்ந்த வயதினரைத் தளரவிடாமல் காக்கும் தொழிலே மருத்துவம்!
- தஞ்சை த இராமநாதன்
சமூகம் என்பது யார்?
சமூகத்தைக் குறை சொல்வதில் தவறில்லை
நாமும் சமூகம் என்பதை சொல்லாதது சரியில்லை
சமூகம் மாற வேண்டும் என்பது தவறில்லை
நான் மாறவே மாட்டேன் என்பது சரியில்லை
விவசாயம் செய்ய வேண்டும் என்பது தவறில்லை
விவசாயம் செய்யவே இல்லை என்பது சரியில்லை
விவசாயம் உயிர்த் தொழில் என்பது
தவறில்லை
விவசாயம் லாபம் தராது என்பது சரியில்லை!
- தஞ்சை த இராமநாதன்
படித்ததைப் பகிர்வோம்
படித்ததைப் படித்தவாறே படித்தவர் படித்ததைப் பகிர்ந்தால் படித்தவரே!
படித்துப் பகிர்வதைப் படித்தவாறே
பகிர்ந்தால் பகிர்ந்தவர் படித்தவரே!
- தஞ்சை த இராமநாதன்
போடுவது எடுப்பதற்கா?
இல்லை என்பதால் பிச்சைப் போடுகிறாரா?
இருக்கு என்பதால் பிச்சைப் போடுகிறாரா?
நல்ல உள்ளத்தோடு பிச்சைப் போடுகிறாரா?
கெட்ட உள்ளத்தோடு பிச்சைப் போடுகிறாரா?
பிச்சைப் போடுவதை அங்கீகரிக்கப் படம் எடுக்கிறாரா?
பிச்சை எடுப்பதை ஊக்குவிக்கப் படம் எடுக்கிறாரா?
பணம் சம்பந்தப்பட்டதால் இந்தப் படம் எடுக்கிறாரா?
பாசம் சம்பந்தப்பட்டதால் இந்தப் படம் எடுக்கிறாரா?
எப்படியாயினும்,
பிச்சை எடுக்காத நிலை உண்டானால் பிச்சைப் போடாத நிலை உண்டாகும்!
- தஞ்சை த இராமநாதன்
மகளிர் தினம்
சொந்த நாட்டுக்குப் பெயர் தாய்நாடு
சொந்த மொழிக்குப் பெயர் தாய்மொழி
பிறக்கும்போதும் முதல் சொல் அம்மா
இறக்கும்போதும் கடைசிச் சொல் அம்மா
மணவாழ்வு சிறக்கக் காரணம் மனைவி
இனவாழ்வு சிறக்கக் காரணம் மனைவி
குடும்பப் பெருமை காப்பது துணைவி
குடும்ப அருமைக் காப்பதும் துணைவி
பெண்களால் போர் மூள்வதும் இல்லை
பெண்களால் பார் வீழ்வதும் இல்லை
நல்லாளாக நிலம் ஆனதும் பெண்ணால்
நன்னாளாக நாள் ஆவதும் பெண்ணால்
வாழ வைத்த சகோதரிகளே வாழ்க! வாழ்க!!
வாழ வைக்கும் மகள்களே வாழ்க! வாழ்க!!
- தஞ்சை த இராமநாதன்
கண்ணீர்...கண்ணீர்
காலணிப் போட்டு பசியால் அழுதவர் கண்ணீரும் உண்டு
காலணிப் போட காலே இல்லாதவர் கண்ணீரும் உண்டு
கண்ணீரைப் பார்த்து பதறிக் கலங்காது இருப்போரும் உண்டு
கண்ணீரைப் பார்த்துக் கலங்கி பதறித் துடிப்போரும் உண்டு
கண்ணீரைப் போக்க முடிந்ததை உடனே செய்வோரும் உண்டு
கண்ணீரை மறைக்க உடனே குளிக்கச் செல்வோரும் உண்டு
பிறப்பை எண்ணி கண்ணீர் விடுவோர் எங்கெங்கும் உண்டு
இறப்பை எண்ணி கண்ணீர் விடுவோர்
எங்கெங்கும் உண்டு!
- தஞ்சை த இராமநாதன்
உழைக்கத் தயங்காதப் பெண்கள்
உழைத்து வாழும் பெண்ணின் முகத்தில் ஆனந்தம்
உழைப்பால் உயர முயலும் முகத்தில் பேரானந்தம்
உழைத்துக் கொண்டே பாடும் பாட்டில் ஆனந்தம்
உழைத்துக் கொண்டே படும் பாட்டில் பேரானந்தம்!
- தஞ்சை த இராமநாதன்
அன்றைய இன்றையப் பெண்கள்
அன்று...
அடுப்பு ஊதியப் பெண்களுக்கு படிப்பு எதற்கு?
இன்று...
படித்து ஊதியப் பெண்களுக்கு அடுப்பு எதற்கு?
- தஞ்சை த இராமநாதன்
தொடர்ந்து வேடம் போடும் உலகம்
எப்படி வாழ வேண்டுமோ அப்படி வாழத் தவற விட்டு விட்டப் பெரியவர்கள்
விட்டு விட்டதை மறைக்க தினந்தோறும் வேடமிடாத வேடதாரிகள் பெரியவர்கள்
இப்படித்தான் வாழ வேண்டும் என்பதை தவற விடப் போகும் சிறியவர்கள்
தவற விடப் போவதை தவறாமல் வேடமிட்டுப் பேசும் சிறியவர்கள்!
- தஞ்சை த இராமநாதன்
மனிதனும் விலங்கும்
பசிக்காக விலங்கினம் இன்னொரு விலங்கைக் கொல்லும்
ருசிக்காக மனிதயினம் வேட்டையாடி விலங்கைக் கொல்லும்
வேண்டியதை மட்டும் கொன்று தின்று விலங்கினம் செல்லும்
மிஞ்சியதைக் காய வைத்துத் தின்ன மனிதயினம் செல்லும்
நன்றிக் கெட்ட நாயேயென நாயை மனிதயினம் சொல்லும்
நன்றிக் கெட்டவன் நீயேயென நாய் மனிதயினத்தைச் சொல்லும்!
- தஞ்சை த இராமநாதன்
வெண்பனி மலையோரப் பூக்கள்
மலையைப் பார்த்தால் மலைப்பு
மலைமேல் பார்த்தால் பனிப் பூ
மலையடியில் பார்த்தால் பற்பலப் பூ
மணத்தைப் பரப்பும் பலநிறப் பூ!
- தஞ்சை த இராமநாதன்
போர் எனும் பேரில் அக்கப் போர்
ஆக்கப்பட்டதை அழிப்பதற்கு ஒரு போர்
காக்கப்பட்டதை தகர்ப்பதற்கு ஒரு போர்
கர்வத்தை தீர்ப்பதற்கு ஒரு போர்
கவுரவத்தை சேர்ப்பதற்கு ஒரு போர்
கொரோனா செயலால் அந்தப் போர்
கோரமான செயலால் இந்தப் போர்
சரித்திரம் படைக்க இந்தப் போர்
தரித்திரம் கொடுக்க வந்தப் போர்
உலகில் ஒற்றுமையைக் கெடுக்கும் போர்
உலகில் வேற்றுமையைக் கொடுக்கும் போர்
மனித மாண்பை அடியோடு தகர்க்கும் போர்
மனிதப் பண்பை வெடியோடு தகர்க்கும் போர்!
- தஞ்சை த இராமநாதன்
தக்காளிக்கும் ஒரு காலம் வரும்
உருளைக்கு ஒரு காலம் வந்தால்
சக்கர வள்ளிக்கும் ஒரு காலம் வரும்
பப்பாளிக்கு ஒரு காலம் வந்தால்
தக்காளிக்கும் ஒரு காலம் வரும்
பலாப் பழத்துக்கு ஒரு காலம் வந்தால்
பாலைப் பழத்துக்கும் ஒரு காலம் வரும்
மாம்பழத்துக்கு ஒரு காலம் வந்தால்
மாதுளம் பழத்துக்கும் ஒரு காலம் வரும்
வெங்காயத்துக்கு ஒரு காலம் வந்தால்
பெருங்காயத்துக்கும் ஒரு காலம் வரும்
மிளகாய்க்கு ஒரு காலம் வந்தால்
மிளகுக்கும் ஒரு காலம் வரும்
உனக்கு ஒரு காலம் வந்தால்
எனக்கும் ஒரு காலம் வரும்
வல்லவனுக்கு ஒரு காலம் வந்தால்
நல்லவனுக்கும் ஒரு காலம் வரும்!
- தஞ்சை த இராமநாதன்
