பெரிய எலியென்றால் பெரிச்சாளி
சிறிய எலியென்றால் சுண்டெலியா?
கடற்கரையில் ஆடுமொளி காணும் ஒளி
படத்திரையில் பாடுமொலி கானா ஒலியா?
சிந்துவதால் வருவது மூக்கில் சளி
கத்துவதால் வருவது நாக்கில் சனியா?
உழைப்போர்க்கு வறுமை விதியின் சதி
ஏய்ப்போர்க்கு செழுமை மதியின் சதியா?
முதுமையில் நரை முதிய வயதினர் பெறுவது முதிர்ச்சி
இளமையில் நரை இளம் வயதினர் பெறுவது அதிர்ச்சியா?
- தஞ்சை த.இராமநாதன்
வந்து தானாக வந்து சேர்ந்து விடும்
இதை எதுக்கு சொல்றேன்னா
இது வந்து உங்கள் நல்லதுக்குதான்
அதை எதுக்கு சொல்றேன்னா
அதுவும் வந்து உங்கள் நல்லதுக்கேதான்
எதுக்காக வந்து நீங்க இப்படி வந்து திடீரெனக் கோபப்பட்டீங்க?
அதுக்காகவா வந்து நீங்க இப்படி வந்து திடீரெனக் கோபப்பட்டீங்க?
எதுக்கு வந்து நீங்க அப்படி வந்து விழுந்து விழுந்து சிரிச்சீங்க?
அதுக்கு வந்தா நீங்க இப்படி வந்து விழுந்து விழுந்து சிரிச்சீங்க?
அதை வந்து சும்மா வந்து ஒரு சிரிப்புக்காக அப்படிச் சொன்னேங்க
இதை வந்து சும்மா வந்து ஒரு செய்திக்காக இப்படிச் சொன்னேங்க
எப்ப வந்து எதை வந்து சொல்வது சரியென்று உங்களுக்குத் தெரியாதா?
இப்ப வந்து அதை வந்து சொல்வது சரியாயென உங்களுக்குத் தெரியாதா?
அட எப்ப வந்தீங்க நீங்க
வாங்க வாங்க வந்து இப்படி உட்காருங்க
வந்ததைப் பற்றி எழுதிக் கொண்டு
நீங்க வந்ததைப் பார்க்கலீங்க!
- தஞ்சை த இராமநாதன்
அப்புறம் எப்ப எல்லோரும் வந்தீங்க அது அர்த்தமற்ற அப்புறம்
அப்புறம் திரும்ப எப்ப வருவீங்க அதுவும் அர்த்தமற்ற அப்புறம்
அப்புறம் வீட்டில எப்படி இருக்காங்க அது அர்த்தமற்ற அப்புறம்
அப்புறம் ஏதாவது சொல்லுங்க அதுவும் அர்த்தமற்ற அப்புறம்
அப்புறம் போயிட்டு வரட்டுமா அது அர்த்தமற்ற அப்புறம்
அப்புறம் போயிட்டு வாங்க அதுவும் அர்த்தமற்ற அப்புறம்!
உடனே...
அப்புறத்தை அப்புறப்படுத்தினால் அப்புறம் எப்புறம் போகுமோ?
- தஞ்சை த.இராமநாதன்
பாலின் பலவகைகள்
ஆண்பால் என்பது ஆண் என்றானது
பெண்பால் என்பது பெண் என்றானது அன்பு என்பது அன்பால் என்றானது பண்பு என்பது பண்பால் என்றானது
பிறப்பு என்பது பிறப்பால் என்றானது
சிறப்பு என்பது சிறப்பால் என்றானது
கருப்பு என்பது கருப்பால் என்றானது
மறுப்பு என்பது மறுப்பால் என்றானது
இளைப்பு என்பது இளைப்பால் என்றானது
களைப்பு என்பது களைப்பால் என்றானது
மளைப்பு என்பது மளைப்பால் என்றானது
உழைப்பு என்பது உழைப்பால் என்றானது
இருப்பு என்பது இருப்பால் என்றானது இழப்பு என்பது இழப்பால் என்றானது
கரும்பு என்பது கரும்பால் என்றானது துரும்பு என்பது துரும்பால் என்றானது
இனிப்பு என்பது இனிப்பால் என்றானது
புளிப்பு என்பது புளிப்பால் என்றானது
சிரிப்பு என்பது சிரிப்பால் என்றானது பூரிப்பு என்பது பூரிப்பால் என்றானது
நகைப்பு என்பது நகைப்பால் என்றானது
பகைப்பு என்பது பகைப்பால் என்றானது
படிப்பு என்பது படிப்பால் என்றானது
நடிப்பு என்பது நடிப்பால் என்றானது
அறம் என்பது அறத்துப்பால் என்றானது
பொருள் என்பது பொருட்பால் என்றானது
இன்பம் என்பது இன்பத்துப்பால் என்றானது
மானம் என்பது தமிழின்பால் என்றாவது?
- தஞ்சை த.இராமநாதன்
வாங்க வாங்கிப் போங்க
வங்கிக்கு கடனை வாங்கப் போங்க
கடனாளிப் பெயரை வாங்கிப் போங்க
பள்ளிக்கு படிப்பை உள்வாங்கப் போங்க
படித்து நற்பெயரையும் வாங்கிப் போங்க
காசோடு பொருளை வாங்கப் போங்க
பாக்கியை மறவாது வாங்கிப் போங்க
போட்டியில் பரிசை வாங்கப் போங்க பரிசோடு பெயரையும் வாங்கிப் போங்க
மருத்துவரிடம் மருந்து வாங்கப் போங்க பொறுத்து இருந்து வாங்கிப் போங்க
தியானத்தில் நிம்மதி வாங்கப் போங்க
மன ஆனந்தத்தையும் வாங்கிப் போங்க
கடற்கரைக்கு காற்றை வாங்கப் போங்க காற்றின் இதத்தையும் வாங்கிப் போங்க
பூக்கடைக்கு பூவை வாங்கப் போங்க பூவின் வாசத்தையும் வாங்கிப் போங்க!
- தஞ்சை த.இராமநாதன்
ஓடிய நாயே ஓடினாயே
மிரண்டு ஓடிய நாயே ஓடினாயே விரட்டி ஓடிய நாயே ஓடினாயே
மிரண்டதால் ஓடிய நாயே ஓடினாயே விரட்டுவதால் ஓடிய நாயே ஓடினாயே
தப்பித்துவிட ஓடிய நாயே ஓடினாயே தப்பாதுவிட ஓடிய நாயே ஓடினாயே உயிரைக் காக்க ஓடிய நாயே ஓடினாயே
உயிரைப் போக்க ஓடிய நாயே ஓடினாயே
இறைத்து ஓடிய நாயே ஓடினாயே முறைத்து ஓடிய நாயே ஓடினாயே குரைத்து ஓடிய நாயே ஓடினாயே குரைக்காது ஓடிய நாயே ஓடினாயே
பிடிக்கவிடாது ஓடிய நாயே ஓடினாயே
பிடித்துவிட ஓடிய நாயே ஓடினாயே
துரத்துவதால் ஓடிய நாயே ஓடினாயே
ஓடுவதால் துரத்திய நாயே ஓடினாயே!
- தஞ்சை த.இராமநாதன்
மானம் இருப்பவரும் இல்லாதவரும்
பணம் இல்லாதவர் பணம் இருப்பவர் முன்னால் பணம் இல்லாதவரே
பணம் இருப்பவர் பணம் இல்லாதவர் முன்னால் பணம் இருப்பவரே
குணம் இல்லாதவர் குணம் இருப்பவர் முன்னால் குணம் இல்லாதவரே
குணம் இருப்பவர் குணம் இல்லாதவர் முன்னால் குணம் இருப்பவரே
நாணம் இல்லாதவர் நாணம் இருப்பவர் முன்னால் நாணம் இல்லாதவரே
நாணம் இருப்பவர் நாணம் இல்லாதவர் முன்னால் நாணம் இருப்பவரே
மனம் இல்லாதவர் மனம் இருப்பவர் முன்னால் மனம் இல்லாதவரே
மனம் இருப்பவர் மனம் இல்லாதவர் முன்னால் மனம் இருப்பவரே
மானம் இல்லாதவர் மானம் இருப்பவர் முன்னால் மானம் இல்லாதவரே
மானம் இருப்பவர் மானம் இல்லாதவர் முன்னால் மானம் இருப்பவரே
இனம் இல்லாதவர் இனம் இருப்பவர் முன்னால் இனம் இல்லாதவரே
இனம் இருப்பவர் இனம் இல்லாதவர் முன்னால் இனம் இருப்பவரே
ஞானம் இல்லாதவர் ஞானம் இருப்பவர் முன்னால் ஞானம் இல்லாதவரே
ஞானம் இருப்பவர் ஞானம் இல்லாதவர் முன்னால் ஞானம் இருப்பவரே!
- தஞ்சை த.இராமநாதன்
காலை முதல் இரவு வரை தொடர்ந்தன பல்வேறு தமிழ்க் கலாச்சார நிகழ்ச்சிகள்
ஆரம்பம் முதல் முடியும் வரை இருந்தன
பாபநாசத்தார் முகத்தில் மகிழ்ச்சிகள்
அழகான நடனமும் நாட்டியமும் அரங்கை அலங்கரித்து மகிழ்வை நிலை நாட்டின
ஆபாசமான நடனமும் நாட்டியமும் இல்லாதது நிகழ்விற்குக் கலை கூட்டின
கட்டிய கண்ணோடு கையில் கம்போடு பானை உடைக்க தொடர்ந்த பயணம்
பாதி தூரம் கடந்து பாதை மாறியதால் உடைக்க முடியாது முடிந்த பயணம்
முப்பத்தொன்றாவது நிகழ்வை நடத்தினர் பாரதியார் நற்பணிக் குழுவினர் பயன்மிகு பரிசுகளையும் கொடுத்தனர் அரையபுரத்து ஏற்பாட்டுக் குழுவினர்!
- தஞ்சை த.இராமநாதன்
சொந்தத்தைப் பிணைப்பது பந்தம்
வேறு எந்த சொந்தமும் பெற்றெடுத்தத் தாயின் பந்தம்போல் ஆகிடவும் முடியாது
பலவாறு வந்த எந்த சொந்தமும் பந்தமற்று சொந்தமாகிடவும் முடியாது
பந்தத்தைக் காட்டாத எந்த சொந்தமும்
சொந்தமென நினைத்திடவும் முடியாது
பந்தமற்று வந்த எந்த சொந்தமும் சொந்தமாக நிலைத்திடவும் முடியாது
சொந்தமுமாகி பந்தமுமான சொந்தம் என்றுமே பிரிந்ததும் கிடையாது!
- தஞ்சை த.இராமநாதன்
சிங்கப்பூரிலிருந்து திருச்சி வரை...
விமானம் மேகத்தினுள் பறக்கும்போதே உப்புமா மற்றும் பிரியாணி சாப்பாடு சுவையான சைவப் பிரியாணி கிடைத்தது எனக்கு சூடான உப்புமா கிடைத்தது என் மனைவி அன்புக்கு
பாதி சாப்பிட்டதும் என் பாகப் பாதியை பரிமாற்றம் செய்ய முயன்றேன் நான்
பிரியாணி நழுவி மனைவி காலில் விழ தேநீரும் சிறு அபிஷேகம் செய்தது
நானோ என்ன செய்வதென அறியாது பதற்றத்தோடு திகைத்துப் பார்த்தேன்
செய்வதறிந்த அன்போ துரிதமாக தாளால் துடைத்து எடுப்பதைப் பார்த்தேன்
ஏன் இப்படி செய்தீங்கனு அன்பின் குரல் கேட்டது பட்டதை துடைத்துக் கொண்டே ...
நான் செய்திருந்தா திட்டிருப்பீங்கதானே என கேட்டது அன்பானக் குரல் என் மனதை தொட்டுக் கொண்டே...
எத்தனைப் பொருமை என் அன்புக்கு அத்தனைப் பெறுமையும் என் அன்புக்கே என்னங்கவென அழைக்கும் என் அன்புக்கு
என்ன அன்பு என அழைப்பேன் என் பங்குக்கு
அசதியுடன் தூங்கிய அன்பைப் பார்த்தபடி தூங்காதுப் பார்த்தேன் பறந்தபடியே என்ன தவம் செய்தேனோ என எண்ணியபடி எழுதினேன் கண்ணீரைத் துடைத்தப்படியே...
- தஞ்சை த.இராமநாதன்
காசாங் குளத்து குலத்தில் பிறந்து வளர்ந்த எனது ஊர் ஆம்பலாப்பட்டு தர்மராஜ் சிவக்கொழுந்து பெற்றெடுத்த தலைமகனான எனது ஊர் ஆம்பலாப்பட்டு
பழமையான நிலங்களில் நீர் வளம் பெற்று பணம் விளையும் ஊர் ஆம்பலாப்பட்டு குளங்களால் சூழப்பட்டு ஏரிகளால் வளம் பெற்று சிறப்புறும் ஊர் ஆம்பலாப்பட்டு
நன்செய்யெனும் வயல்கள் சூழ்ந்த செழிப்பான ஊர் ஆம்பலாப்பட்டு புன்செய்யெனும் கொல்லைகள் சூழ்ந்த எல்லையான ஊர் ஆம்பலாப்பட்டு
ஆடு மாடு கோழி குருவிகள் எல்லாம் ஓசை எழுப்பிடும் ஊர் ஆம்பலாப்பட்டு கபடி பளிங்கி பந்தாட்டமென ஆடிப் பாடி விளையாடிய ஊர் ஆம்பலாப்பட்டு
பகுத்தறிவோடு ஆன்மீக அடித்தளம் கொண்ட ஊர் ஆம்பலாப்பட்டு பண்போடும் படிப்போடும் மேல்தளம் கண்ட ஊர் ஆம்பலாப்பட்டு
ஆம்பலெனும் அல்லி ஆவெனும் பசு பட்டுயெனும் சிற்றூர் ஆம்பலாப்பட்டு முல்லை நிலத்தோடு மருத நிலம் சேர்ந்த ஊர் எனது ஆம்பலாப்பட்டு!
- தஞ்சை த.இராமநாதன்
நிறம் மாறிய பூக்கள்
சிவப்பு நிறத்தில் இருந்ததால்தான் செம்பருத்திப் பூவென ஆனாயே!
வெள்ளை மணம் கொண்டதால்தான் வெண் பருத்திப் பூவென ஆனாயோ?
பக்தி மனம் கொண்டதால்தான் மஞ்சள் பருத்திப் பூவென ஆனாயா?
வஞ்சக மனதைக் கொண்டுவிட்டால் என்ன நிறத்து பூவென ஆவாயோ?
- தஞ்சை த.இராமநாதன்
புத்தாண்டில் பழமை
இரண்டாயிரம் ஆரம்பித்து 22 வருடங்கள் நடந்து முடிந்தது
22 வருடங்கள் நடந்து முடிந்ததும் 23வது வருடமும் வந்தது
22 வருடத்தில் நடந்த சம்பவங்களில் பல சம்பவங்கள் மறந்துப் போகாமலும் இல்லை
கடந்த 4 வருடங்களின் Corona சம்பவங்களை மறந்துப் போகவும் முடியவில்லை
ஆண்டுக்கு ஆண்டு ஆண்டு அனுபவித்த அனுபங்கள் பலவும் உண்டு
ஆண்டு அனுபவித்த அனுபவங்களில் மனதில் பதிந்தவைகள் சிலவும் உண்டு
50க்கு மேல் வாழ்ந்தவர்கள் அனைவரும் அடுத்த 50ஐ கடப்பது பெரிதும் அரிது 50ஐ கடக்காதவர்கள் கடக்கும் முன்பே கடக்கப் போகும் பாதையை நினைப்பதும் அரிது
ஒரு முறை வாழப்போகும் வாழ்க்கையை தன்மானத்தோடும் மனிதப் பண்பாட்டோடும் கூடி வாழ்ந்த குடும்ப வழக்கத்தை முயன்றுப் பார்ப்போம் இப் புத்தாண்டில்!
- தஞ்சை த.இராமநாதன்
1 Jan 2023
