பழமை பெருமையை இழப்பதால் அது பழசு என்றாகி மவுசு குறைந்து விடுகிறது புதுமை பெருமையாக இருப்பதால் அது புதுசு என்றாகி பழசு மறைந்து விடுகிறது
முதுமை முடியாமை நிறைந்து வாடுவதால்
பெருசு என்றாகி ஆட்டம் முடிவாகி விடுகிறது
இளமை இறையாமை மறந்து ஆடுவதால்
இளசு என்றாகி ஆட்டம் அதிகமாகி விடுகிறது
தீ பிடித்து எரிந்து காற்றும் விரைந்தால் தீமை உண்டாகி விடுகிறது
பா வடித்து வற்றாத விருத்தமும் இருந்தால்
புலமை உண்டாகி விடுகிறது!
- தஞ்சை த.இராமநாதன்
அவளைப் பார்த்த அவன் அவளை எங்கோப் பார்த்ததைப்போல் பார்க்கின்றான்
அவனைப் பார்த்த அவளோ அவனை இப்போதுதான் பார்ப்பதைப்போல் பார்க்கின்றாள்
அரசுப் பணியின் மதிப்புமிகு பதவியில் இருக்கும் அவளை அவன் அவர்களென அழைக்கின்றான்
ஆளும் அரசின் மாண்புமிகு பதவியில் இருக்கும் அவனை அவளும் அவர்களே என அழைக்கின்றாள்
ஒருமையில் ஒருவரை வரவேற்றாலும் அவர்களே என அழைக்கின்றோம்
பன்மையில் பலரை வரவேற்றாலும் அவர்களே எனத்தான் அழைக்கின்றோம்
அவனும் அவளும் அவர்களென ஆனது அவனாலும் அவளாலும் ஆனது
அவர்கள் யாவரும் அவர்களெனவே ஆனது அவர்கள் அனைவராலுமே ஆனது!
- தஞ்சை த.இராமநாதன்
பாசமான பக்கத்து வீட்டுக்காரர்
பக்குவமான அக்கத்து வீட்டுக்காரர்
கண்டிப்பான கபடமில்லாக் குணமுடையார்
கண்டியரெனும் கள்ளமிலா மனமுடையார்
உணவை உண்பதிலும் கட்டுப்பாடு
உடலைக் காப்பதிலும் கடப்பாடு
கடமையுடன் மதித்துப் பேசுவது கண்டியரின் சிறப்பு
கண்ணியத்துடன் சிந்தித்துப் பேசுவதும் கண்டியரின் சிறப்பு
நூறு வயதாகும் உயர்வான பெரியவர்
ஊர் போற்றும் உன்னதமான பெரியவர்
வணங்கிப் போற்றுகிறேன் கண்டியரே
வாழ்த்தி ஆசீர்வதியுங்கள் கண்டியரே!
- தஞ்சை த.இராமநாதன்
கனிமையான நண்பன் இம்ரான்
இனிமையான நண்பன் இம்ரான்
வலிமையான தோழன் இம்ரான்
எளிமையான தோழன் இம்ரான்
பனை மரம் ஏறுவதில் வல்லவனிவன்
பனை நுங்குத் தருவதில் வள்ளலிவன்
நல்ல மரம் பார்த்துக் காத்திடுவான்
தலை சீவி நுங்கின் கண் திறந்திடுவான்
நுங்கைக் குடி குடியென வெட்டி வெட்டி கொடுத்துக் குடித்திடச் செய்வான்
கை கட்டை விரலால் அழுத்தி உயர்த்தி காற்றை விட்டு உறிஞ்சிடச் சொல்வான்
நாற்பதாண்டுகளைக் கடந்து விட்டது இம்ரான் நுங்கைச் சீவிக் கொடுத்து
நாற்பதாண்டுகளைத் தாண்டி விட்டது
இம்ரானோடு குளத்தில் தாவிக் குளித்து!
- தஞ்சை த.இராமநாதன்
மழை பொழிந்தால் மனம் செல்கிறது மகிழ்வான எல்லைக்கு
மழை தொடர்ந்தால் மனம் செல்கிறது மகிழ்வற்ற தொல்லைக்கு
காலையில் மழை பொழிந்தால் கடமைக்குக் கட்டுப்பாடு போடுகின்றது
மாலையில் மழை பொழிந்தால் உழைப்புக்கு ஓய்வுக் கொடுக்கின்றது
வெயிலின் கொடுமை மழையால் நீராடப்பட்டு குளிரூட்டப் படுகின்றது
மழையின் கொடுமை வெயிலால்
சூடாக்கப்பட்டு ஒளியூட்டப் படுகின்றது!
- தஞ்சை த.இராமநாதன்
