என் இனிய நண்பன் இம்ரான்

 

கனிமையான நண்பன் இம்ரான்
இனிமையான நண்பன் இம்ரான்
வலிமையான தோழன் இம்ரான்
எளிமையான தோழன் இம்ரான்

பனை மரம் ஏறுவதில் வல்லவனிவன்
பனை நுங்குத் தருவதில் வள்ளலிவன்
நல்ல மரம் பார்த்துக் காத்திடுவான்
தலை சீவி நுங்கின் கண் திறந்திடுவான்

நுங்கைக் குடி குடியென வெட்டி வெட்டி கொடுத்துக் குடித்திடச் செய்வான்
கை கட்டை விரலால் அழுத்தி உயர்த்தி காற்றை விட்டு உறிஞ்சிடச் சொல்வான்

நாற்பதாண்டுகளைக் கடந்து விட்டது இம்ரான் நுங்கைச் சீவிக் கொடுத்து
நாற்பதாண்டுகளைத் தாண்டி விட்டது
இம்ரானோடு குளத்தில் தாவிக் குளித்து!

- தஞ்சை த.இராமநாதன்