இறக்குமுன் எல்லா கோணத்திலும் எல்லோரும் வெவ்வேறு கோணத்தில் இறந்தபின் எல்லா கோணத்திலும் எல்லோரும் ஒரே கோணத்தில்
இறக்கும்வரை வாயை மூடாதுப் பேசியவர் வாய்மூடிக் கிடக்கின்றார்
இறக்கும்வரை வாயை மூடியேக் கடத்தியவர் வாயைப் பிளந்து கிடக்கின்றார்
தங்கப் பெட்டியோ தகரப் பெட்டியோ அருணா கயிறுவரை வெட்டப்படும்
சந்தன பெட்டியோ சாதாரண தட்டியோ
டன்டனக்கா ஒரே மாதிரி தட்டப்படும்!
- தஞ்சை த.இராமநாதன்
பழத்தின் பலம் பழத்தில்
பழுத்த பழத்தை வெட்டித் துண்டாக்கிக்
கடித்ததும் இனித்தால் பலமென்பார்கள்
வெட்டுண்டுத் துண்டாகித் துவண்டு அழுகாது இருந்தால் பழமென்பார்கள்
அடுத்தவர் உழைப்பை உறிஞ்சித் தளிர்த்ததைத் திறமை என்பார்கள் உழைத்தவர் களைத்து வருந்தித் தவிப்பதை மடமை என்பார்கள்
வெள்ளம் வருமெனத் தெரிந்ததும் துன்பம் வருத்துகிறது என்பார்கள்
வெள்ளம் வடியுமெனத் தெரிந்ததும்
இன்பம் நெருங்குகிறது என்பார்கள்!
- தஞ்சை த.இராமநாதன்
ரகுவரன்-ரவி-ரஹ்மான் வகையறா
ரகுவரன் விவாகரத்து பெற்றது வில்லன் வாழ்வின் விவகாரமென மறந்தோம்
ரவி விவாகரத்து பெற்றது கதாநாயகன் வாழ்வின் விவகாரமென மறந்தோம்
ரஹ்மான் பெறப்போவதை இசைத்தோன்
வாழ்வின் விவகாரமென மறப்போம்
பிழைப்புக்காக நடிப்பவர்கள் மண வாழ்வு திடீரென முடிவைப் பெறும்போது
மண வாழ்வை நடித்து வாழ்வோர் வாழ்வு முழுமை அடைய வழியேது?
- தஞ்சை த.இராமநாதன்
கொடுக்கல் வாங்கல்
பேரைப் புகழோடுப் பெற முடியாததைப் பணம் கொடுத்து வாங்கி விடுவதும்
பதவியைப் படித்துப் பெற முடியாததை இனம் கெடுத்து வாங்கி விடுவதும்
கொடுக்க முடிந்ததைக் கொடுத்துக் கொடுத்தே முடிந்தவராகி விடுவதும்
வாங்க முடிந்ததை வாங்கி முடித்துக் கொடுத்து வைத்தவராகி விடுவதும்
கொட்டிக் கொட்டித் தீர்த்து நீர் தீர்ந்து
முடிந்ததாலும் மேகம் கொட்ட வருவதும்
வாங்கி வாங்கி தீர்த்து நீவிர் வாங்க வழியின்றி வாழ்வு முடிந்து விடுவதும்
அரசியலில் சகஜமப்பா என்றாலும்
வாழ்வியலின் சாராம்சம் இதுதானப்பா!
- தஞ்சை த.இராமநாதன்
ஜூ ஜூபி
செல்லடி எனக் கேட்டதும் தனக்குக் கிடைத்தது சொல்லடி என்றவள்
செல்லம்மா எனக் கேட்டதும் தனக்குக் கிடைத்தது செல்லமடி என்கிறாள்
தள்ளடா எனச் சொன்னதும் தள்ளாதுத் தள்ளாடித் தடுமாறி நின்றவன்
தள்ளாத வயதில் தள்ளியே நின்றாலும் தள்ளாமலே தள்ளாடி நிற்கின்றான்
பணம் கிடைக்குமாயின் பிணத்தைவிடப்
பலமாகப் பல்லைப் பிளக்கின்றான்
பயன் கிடைக்காததாயின் பல் இளித்துப்
பழகியதைக் கனவாகக் காண்கின்றான்!
- தஞ்சை த.இராமநாதன்
உண்மை உண்மையே
தேரோட்ட தேரோட்டம் முடிந்ததும் தேர் நின்றால் உறுதியாகத் தேரடி
போராடி போராட்டம் முடிந்ததும் போர் நின்றால் இறுதியாக அதிரடி
ஏரோட்ட ஏரோட்டம் முடிந்ததும் சேர் அடித்தயிடம் பயிர் பயிரிடப்படும்
காரோட்ட காரோட்டம் முடிந்ததும் யார்
நிறுத்துமிடமும் கார் நிறுத்துமிடம்
உழைத்து உறவுக்கு உதவிய எவர்
உழைப்பும் தூக்கி எறியப்படும்
நயவஞ்சகம் நாடகம் ஆடும் எவர் துரோகமும் உயர்த்திப் போற்றப்படும்!
- தஞ்சை த.இராமநாதன்
ஒற்றுமை-பொறாமை-வேற்றுமை
கா காவெனக் கரைந்து கூட்டிக் கூடி உணர்வோடு உண்டால் காகங்கள்
வான் வெளியில் ஓடிக் கூடிச் சேர்ந்து குளிரோடு பொழிந்தால் மேகங்கள்
லொள் லொள்ளென கூடிக் குரைத்துக் கடித்துக் குதறிக் கொன்றால் நாய்கள்
சர் சர்ரென வேகம் கூட்டிக் குறைத்து மோதிக் கொன்று செத்தால் பேய்கள்
உணர்வோடும் உரிமையோடும் கூடிக் கொண்டாடும் வாழ்வில் மெய்கள்
வேற்றுமையோடும் பொறாமையோடும் ஆடி அடங்கிடும் வாழ்வில் பொய்கள்!
- தஞ்சை த.இராமநாதன்
இனிப்பல்ல பலகாரம்
இடத்தை நல்லா கூட்டுமாறு சொல்லி முடிப்பதற்குள்ளாகவே கூட்டுமாறு உடனே கேட்டு விடுகிறார்கள்
வீட்டை நல்லா பெருக்குமாறு சொல்லி முடிப்பதற்குள்ளாகவே விளக்குமாறு உடனே கேட்டு விடுகிறார்கள்
சமைத்து தாளிச்சதும் தாளிச்சதை சாப்பிடக் கேட்டால் தாளிச்சாவே இருப்பதாகக் கொடுக்கிறார்கள்
தினமும் மலரை மாலையில் கொடுக்கச் சொன்னால் மாலை மலர் வேளையில் தின மலரைக் கொடுக்கிறார்கள்
தீபாவளிக்கு இனிப்பை அதிகம் சாப்பிடாதீர்கள் என்று சொன்னால் இனிப்பல்ல பலகாரமெனச் சாப்பிடுகிறார்கள்!
- தஞ்சை த.இராமநாதன்
ஓடி ஆடி விளையாடிச் சுற்றி வந்தாலும் அதிஷ்டக்காரனென முதலில் சாக்கைப் பிடிக்கச் சொல்லும் என் அப்பாயி
சாக்குப் போக்குச் சொல்லாமல் சந்தைக்குப் போகும் சாக்கைப் பிடித்தவுடன் பிடித்தபடி ஓடி விடுவான் அப்பாடி
எட்டு வயதினிலே கண்ணிலே கண்ணில் கட்டி வந்ததால் கண்ணை மறைத்து வலியைக் கொடுத்திடும்
ராமராசு பக்கத்தில வாய்யா என கூப்பிட்டு கூப்பிட்டு தினமும் என் கண்ணை என் அப்பாயி பார்த்திடும்
கண்ணைக் காட்டிக் காட்டி நான்காவது நாள் கட்டிப் பழுத்ததைப் பார்த்திடும் என் அப்பாயி
ரொம்ப கிட்டக் கூப்பிட்டு நாக்கை வைத்து கட்டியை வழித்து எடுத்திடும் என் அப்பாயி
கண்ணில் கட்டியை நீக்கியதை எண்ணினால் நெஞ்சு வலிக்க அழுவேன் என் அப்பாயி
இருந்தாலும்,
என் கண்ணீரைத் துடைக்க என் கையே உதவுவதால் நீ கவலைப்பட வேண்டாம் என் மாரிக்கண்ணு அப்பாயி!
- தஞ்சை த.இராமநாதன்
