சாட்சிகள்
பார்த்ததைப் பார்த்தேனென சொல்லி வெல்லும் சாட்சி உண்மை சாட்சி
பார்க்காததைப் பார்த்தேனென சொல்லி கொல்லும் சாட்சி பொய் சாட்சி
பார்த்ததைப் பார்த்தேனென சொல்ல வைப்பது மனிதனோட மனசாட்சி
பார்க்காததைப் பார்த்தேனென சொல்ல வைப்பது மனிதனோட பணசாட்சி
சொன்ன சொல்லை மாற்றும்போது மாறிவிடுவது மாறும் மனித சாட்சி
சொன்ன சொல்லை மாற்றாதபோது மாறாதிருப்பது மாறாத இறை சாட்சி!
- தஞ்சை த.இராமநாதன்
மாறும் பயணத்தில் மாறாப் பயணம்
பாலகன் விடலையானான்
பதின்மக்கலை முகத்திலேறி
விடலை காளையானான் திருமணமாலை கழுத்திலேறி
காளை மாளியானான்
மனக்கவலை மனதிலேறி
மீளி மறவோனான்
நரைத்தமுடி தலையிலேறி
மறவோன் திறவோனான்
வாய்மூடி மவுனத்திலேறி
திறவோன் முதுமகனாகிப்
போனான் பாடையிலேறி!
- தஞ்சை த.இராமநாதன்
நரியும் பரியும் சமமாக முடியாது
ஒழுக்கம் உள்ளாரும்
ஒழுக்கம் இல்லாரும் சமமில்லை
உழைத்துக் களைப்பாரும்
உழைக்காது இருப்பாரும் சமமில்லை
வேளையில் தூங்கி எழுவாரும் காலையில் தூங்கி விழுவாரும் சமமில்லை
பெரியோரை அவமதிப்பாரும் பெரியோரை மதிப்பாரும் சமமில்லை
பார்த்ததும் வணக்கம் சொல்லுவோரும்
வணக்கம் சொல்லாதாரும் சமமில்லை
முகத்தில் பொய்யாக நடிப்பாரும்
அகத்தில் மெய்யாக துடிப்பாரும் சமமில்லை
மானம் காத்து வாழ்வோரும்
மானம் அழித்து வீழ்வோரும் சமமில்லை
குறையோடு கூத்தாடும் குறை குடமும் குறையில்லா நிறை குடமும் சமமில்லை
மறைந்திருந்து ஊளையிடும் நரியும்
மகிழ்ந்தோடும் பரியும் சமமில்லை!
- தஞ்சை த.இராமநாதன்
சட்டம்போட்டுதான் மெட்ராஸின் பெயரைச் சென்னையென மாற்றி இருப்பார்கள் திட்டம்போட்டுதான் மெட்ராஸின் பெயரைச் சென்னையென மாற்றி இருப்பார்கள்
சட்டத்தை நிலைநாட்டும் நீதி மன்ற பெயரோ சென்னை நகரில் மெட்ராஸின் பெயரில் நீதி மன்றம் இருக்கும் Pariis Corner பெயரோ பாரிமுனை என நல்ல தமிழின் பெயரில்
தமிழில் மெட்ராஸென இருப்பது என்னவோ மெட்ராஸுக்கு அழகாக இருக்கலாம் தமிழில் சென்னையென இருதிருந்தால் தமிழ்நாட்டுக்கே அழகாக இருந்திருக்கும்
கல் தோன்றி மண் தோன்றாத காலத்தே முன் தோன்றியதாகச் சொல்வதில் அர்த்தமில்லை சென்னைத் தோன்றியும் மெட்ராஸ் மாறாதது நீதித் துறையாயினும் நியாயமேயில்லை!
- தஞ்சை த.இராமநாதன்
