நடந்தது கொஞ்சமே

நடந்தது கொஞ்சமே 

பாலைவனம் கடலாகிப் போனால்
கடல்வயல் வயல்காடாகிப் போகாதா?
மலைக்காடு பணநிலமாகிப் போனால்
ஐந்திணையும் தீவினையாகிப் போகாதா?

- தஞ்சை த இராமநாதன்

காற்றும் கடிகாரமும்

 

காற்றும் கடிகாரமும்

பிடிபடாத காற்றைப் பிடித்து அடித்தால் பந்துக்குள்ளே ஒதுங்கிக் கிடக்குது
பந்துக்குள்ளே பதுங்கிய காற்றை உதைத்து அடித்தால் ஓங்கிப் பறக்குது

சுற்றும் காற்றாடி காற்றைச் சுழலும்படி
சுற்றிச் சுற்றி சுழற்றி அடிக்குது
சுழலும் காற்று எகிறிச் சுற்றி அடித்தால்
சுற்றிய காற்றாடி ஒடிந்தோடிப் பறக்குது

சிறிய கடிகாரத்தை மணிக்கட்டில் கட்டினால்
மணியைக் கேட்கச் சொல்லுது
பெரிய கடிகாரத்தை மணிக்கட்டில் கட்டினால்
Moneyயைக் கேட்கச் சொல்லுது

காற்றைப்போல சுற்றும் மனம் பணத்தை நோக்கியே ஓடோடிச் சுற்றுது
கடிகாரத்தைப்போல எண்ணமும் பணத்தை நோக்கியே தேடோடிச் சுற்றுது!

- தஞ்சை த இராமநாதன

பற்றற்ற பற்றைப் பற்றுவோம்

பற்றற்ற பற்றைப் பற்றுவோம்

பற்றோடு பற்றின்றிப் போனால்... போனால்...
பற்றின்றி பற்றோடுப் போவோம்...
போவோம்
பற்றின்றிப் பற்றோடுப் போனால்... போனால்...
பற்றற்ற பற்றினோடுப் போவோம்...
போவோம்

கெத்தோடு கெத்தற்றுப் போனால்...
போனால்...
கெத்தற்ற கெத்தோடுப் போவோம்...
போவோம்
கெத்தற்ற கெத்தோடுப் போனால்...
போனால்...
திக்கெட்டும் திக்கற்றுப் போவோம்...
போவோம்

உயிரற்ற உணர்வோடுப் போனால்...
போனால்...
உணர்வற்ற உயிரோடுப் போவோம்...
போவோம்
உயிரற்ற உறவோடுப் போனால்...
போனால்...
உண்மையற்று உறவாடிப் போவோம்...
போவோம்

மானமற்று பணத்தோடுப் போனால்...
போனால்
பணத்தோடு மானமற்றுப் போவோம்...
போவோம்
குணமற்ற இனத்தோடுப் போனால்...
போனால்
குற்றமுற்ற மனத்தோடுப் போவோம்...
போவோம்!

- தஞ்சை த இராமநாதன்

நிலை மாறாதத் தக்காளி

 

நிலை மாறாதத் தக்காளி

முப்பத்து மூன்றுத் தினங்களாகவே தக்காளி நிறத்தில் மாற்றம் இருப்பதாகத் தெரியவில்லை
முப்பத்து மூன்றிலும் மஞ்சளாகவே தக்காளித் தரத்தில் மாற்றம் இருப்பதாகவும் தெரியவில்லை

அந்த நிலத்தில் விளைந்ததா அல்லது இந்த நிலத்தில் விளைந்ததா எனத் தெரியாது
கந்தக நிலத்தின் விளைச்சலா அல்லது குந்தக நிலத்தின் விளைச்சலா எனவும் தெரியாது

உரமிட்டு வளர்த்து உணர்வற்று வளர்ந்து உயிர் போய் இருப்பதுபோலும் தெரிகின்றது
தரமற்று வளர்ந்து உயிரற்றுத் தளர்ந்து உணர்வுப் போய் இருப்பதைப்போலும் தெரிகின்றது

அழுகிடாமல் இருக்க அமுங்கிடாமல் இருப்பதைப் பார்த்து அமுக்கி வாங்கி வியந்தவர்கள் நாங்கள்
அமுங்கிடாமல் இருந்து அழுகிடாமல் இருப்பதைப் பார்த்து அதிர்ந்து வியந்து பார்ப்பீர்கள் நீங்கள்!

- தஞ்சை த இராமநாதன் 

அரிதாகி வருது

 

அரிதாகி வருது

வயதைக் கடந்து கொண்டிருக்கும் வயதில் வாழ்வதை அறிவது அரிது
வயதைக் கடத்திக் கொண்டிருக்கும் வயதில் வாழ்ந்ததை அறிவது அரிது

பணத்தை உழைத்துச் சேர்த்துக் கட்டிக் காத்து வைத்திருப்பது சிறிது
பணத்தை ஏய்த்துச் சுருட்டிச் சேர்த்து ஒளித்து வைத்திருப்பது பெரிது

சேறடித்துப் போரடிக்க வரப்பு வெட்டி
களை பறிக்கும் கழனி மருது                                விளைந்து முதிர்ந்த பயிரை அறுத்து எடுத்து கலத்தில் அடிப்பதுக் கருது

ஏமாற்றிப் பித்தலாட்டம் செய்வோரைக் கண்டால் தூற்றும் எண்ணம் வருது
ஏமாந்துப் பித்தாட்டம் அலைவோரைக் கண்டால் தேற்றும் எண்ணம் வருது!

- தஞ்சை த இராமநாதன்