பத்து நாட்டில் வீடு

தமிழ்மண்ணில் முருகனுக்கு அறுபடை வீடு அகிலத்தில் முருகனுக்குப் பெரும்படை வீடு தமிழில் நாளெல்லாம் முருகனைப் பாடு பாடிடும் நாட்டிலெல்லாம் முருகனுக்கு வீடு

தைப்பூசமெனில் தமிழரால் முருகனுக்குத் தூக்குவதுக் காவடி                                      கருத்துப் பூசலெனில் அரசியலால் முருகனைத் தூக்குவது commedy

 மன பக்தியோடு முருகனைப்பாடிச் சிரிப்போருக்கு முருகனே துணை                பண சக்தியோடு முருகனைப்பாடிச் சிக்குவோருக்கு முருகனே வினை!

-தஞ்சை த.இராமநாதன்

உயரத்தில் வேலை செய்தல்

 

உயரத்திலிருந்து விழுந்து அடிபட்டும்    இறந்து விடுகிறார்கள்                                உயரத்திலிருந்து விழும் பொருளால் அடிபட்டும் இறந்து விடுகிறார்கள்

ஏணியில் ஏறும்போது மூன்று பிடிமானம் இருந்தால் விழுவதைத் தடுக்கலாம்          தவறி விழுந்தாலும் உடல் வார்ப்பட்டைப் பிடியோடு இருந்தால் விழுந்தபின்னும் தப்பிக்கலாம்

பயிற்சிக் கொடுப்பவருக்கும் பயிற்சி தேவைப்படுகின்றது இப்போதும்            பயிற்சி பெறுபவருக்கோ அடிக்கடி பயிற்சித் தேவைப்படுகின்றது எப்போதும்!

 - தஞ்சை த.இராமநாதன்

அப்பாவை இழந்து ஏழு வருடங்கள்

 

இந்த தினம் என் தந்தை இறந்த தினம்
எந்தன் மனதில் ஆறாத வடுக்களின் ஏழாவது வருட தினம்

அய்யாவென என்னை அழைத்துச் சிரித்துக் கொண்டாடிக் கொண்டாட வைத்த அப்பா
அய்யோவென நான் கதறி அழுது தொழுது பார்த்தாலும் உங்களைக் கண்களால் காண முடியவில்லையே அப்பா!

பயமற்ற பண்பட்ட பண்பாட்டுடன் வீரத்தைக் கொடுத்ததற்கு நன்றி அப்பா
பணத்திற்காக மனதை மாற்றாத மாசற்ற குணத்தைக் கொடுத்ததற்கும் நன்றி அப்பா!

- தஞ்சை த.இராமநாதன்

தந்தையாருக்குத் தந்தையர் தினம்

 

சொந்த பந்த சுமையைத் தூக்கித் தூக்கித் தூக்கமிழந்தவர் தந்தையார் 
சுமந்த சுமை பிள்ளையைத் தாக்காமல் பார்த்துக் காத்தவர் தந்தையார்

தன் பிள்ளைத் தன்னைவிட மேலே உயரத் தூணாகத் தாங்கிப் பிடித்தவர் தந்தையார்
தனக்கு வேண்டியதைத் தேடாது தன் பிள்ளைக்காகத் தேடி ஓடியவர் தந்தையார்

தாங்க முடியாத தாக்கம் தாக்கினால்
அப்பா என அலறுவர் தந்தையற்றோர்
தாங்கவே முடியாத தாக்கம் தாக்கினால்
எப்பா எனக் கதறுவர் தந்தையற்றோர்

எத்தனை உறவை இழந்தாலும் உறவே உறவின் உணர்வை மறந்தாலும் 
அப்பனின் உறவை இழந்து உயிரின் உணர்வை மறந்தால் இழிவே!

- தஞ்சை த.இராமநாதன்

எது நிலையானது?

 

பிறக்கும்போதே இறக்கப்போவதை உறுதியாக அறியாதோரும் இல்லை
பறக்கும்போதே இறக்கப்போவதை இறுதியாக அறிந்தோரும் இல்லை

இருக்கையில் இருந்தபடி இறப்பது ஒவ்வொருவர் வாழ்விலும் சோகம்
இருக்கையில் எழுந்தபடி இருப்பது ஒரேயொருவர் வாழ்வில் யோகம்

பறக்க ஆரம்பித்ததும் இறங்கப் போவதை எண்ணியோரும் உயிரோடு இல்லை
பறக்க ஆரம்பித்ததும் இறக்கப் போவதை எண்ணாதோரும் உயிரோடு இல்லை

நிலையற்றதை நிலையானதாக நினைப்பதை நிறுத்துவோமா?

- தஞ்சை த.இராமநாதன்

எந்த சொத்தும் எந்தன் ஈசன் தந்த சொத்தே

எல்லாமே எந்தன் ஈசன் தந்த சொத்து
ஈசனே எம் சொத்தாகி வந்தது கெத்து
ஆதிசிவனான ஈசனால் எமக்கு வந்தது தரம்
சிவநேசனான எமக்கு ஈசன் தந்தது வரம்

உள்ளத்தின் ஒலியாக வந்தது எந்தன் ஆதிசிவன்
இல்லத்தில் ஒளியாக வருவதும் எந்தன் அதேசிவன்
விழுந்தால் எழ வைத்தது எந்தன் ஆதிசிவன்
எழுந்ததும் வாழ வைப்பதும் எந்தன் அதேசிவன்

மனதைப் புரிய வைத்ததும் எமது ஈசனே
மனிதரை அறிய வைப்பதும் எமது ஈசனே
தியாகம் செய்ய வைத்ததும் எமது ஈசனே
தியானம் செய்ய வைப்பதும் எமது ஈசனே!

- தஞ்சை த.இராமநாதன்