வெட்டியவன் வெட்டித் தொழிலை நாடிச் செய்பவனா தெரியவில்லை
வெட்டிச் சிதைக்கும் தொழிலைத் தேடிச் செய்பவனா புரியவில்லை
வெட்டியவன் வேரோடு வெட்டிப் பணம் பண்ணியதாகத் தெரியவில்லை
வேரோடு வெட்டிச் சாய்க்காததால் பழம் பரிசானதா புரியவில்லை
மரத்தை வெட்டி வதைப்பதை வீரமாக நினைக்கிறானா தெரியவில்லை
வெட்டில் மீண்ட மரம் மீண்டும் மரமாக நினைக்கின்றதா புரியவில்லை!
- தஞ்சை த.இராமநாதன்
ஐந்தாயிரம் வருடத்திற்கு முன்பு தமிழ் இருக்குமா என அப்போது இருந்த பழந் தமிழன் நினைத்ததேயில்லை
ஐந்நூறு வருடத்திற்குப் பின்பு தமிழ் இருக்குமா என இப்போது இருக்கும் பயந்த தமிழன் நினைக்காமலில்லை
பழந் தமிழன் பயந்ததாகச் சரித்திரம் எப்போதும் இருந்ததே இல்லை
பயந்த தமிழன் முகத்தில் தரித்திரம் இப்போது இல்லாமல் இல்லை
தென் கிழக்காசியாவைப் கடற்படை கொண்டு வென்றவன் பழந் தமிழன்
வென்றதைச் சொல்லக்கூடத் தயங்கித் தயங்கித் தாழ்ந்தவன் பயந்த தமிழன்
இருந்தாலும் இறந்தாலும் பழந் தமிழன் உணர்வோடு வாழச் சபதத்தைக் கொள்வோம்
பேச்சாலும் செயலாலும் பயந்த தமிழனாய் உணர்வற்று வாழும் அபலத்தை வெல்வோம்!
- தஞ்சை த.இராமநாதன்
இசையை இசைக்க இசைக்க இசைப்போரை இசையே ரசிக்கும்
இசைத்த இசையை ரசிக்க ரசிக்க இருப்போரின் ரசனையே ருசிக்கும்
இசைப்பவரின் தாய் மொழித் தெரியாது இசைப்பவரின் ஊர்ப் பெயர்த் தெரியாது
இசைத்த இசையில் மொழி வகை ஏது?
இசைப்பவர் இசைக்கு வாய் மொழி ஏது?
வேற்றுமைகளைச் சொல்லிக் காட்டி பிரிந்து திரிந்து வாழலாம்
வேற்றுமையில் ஒற்றுமையைக் காட்டி சேர்ந்து மகிழ்ந்தும் வாழலாம்
தமிழில் பழம் பாடல் தேடினால் நேராக பாபநாசம் செல்லலாம்
பல இனத்தினர் சேர்ந்து நடனம் ஆடுவதும் பாபநாசமே எனவும் சொல்லலாம்!
- தஞ்சை த.இராமநாதன்
தாயானவள் மாமியாராக மாற மகளை மணக்க மணமகனாக மருமகன் வரவேண்டும்
தாயானவள் மாமியாராக மாற மகனை மணக்க மணமகளாக மருமகள் வரவேண்டும்
தாயானவள் தாயாகு முன்னே தன் தாய்தானே தனக்கு எல்லாமும்
தானே தாயான பின்னே தன் சேய்தானே தனக்கு எல்லாமும்
பிள்ளையாகிப் பெண்ணாகித் தாயாக தானே ஆன பின்னே
தன்னால் ஓய்வெடுக்க முடியாதுன்னே
தயாரான தாயார்தானே மாமியார்!
- தஞ்சை த.இராமநாதன்
கள்ளமில்லாத உள்ளத்தாரின் கலாச்சாரத்தின் உபசரிப்பு
கபடமில்லாத குலத்தாரின் அகச்சாரத்தின் முகசிரிப்பு
தாராளமான பந்தியில்லாத பரிமாறல்
ஏராளமான சத்தமில்லாத பலபாடல்
நிகழ்ச்சி நெறியாளரின் நற்பெயர் அதுதான் G.T.மணி
மகிழ்ச்சிப் பொங்கச் சிரிக்க வைத்தாரே அதுதான் நற்பணி
தன் தலையாயக் கடமையைச் செய்தார் தலைவர்
சிட்டெனக் காட்டி பட்டெனப் பறந்தார் செயலாளர்
அத்தாச்சியின் அன்பை அலாதியானது என்றார்
சிண்டாவின் அத்தாட்சியாக வந்து சென்றார்
ஒருங்கிணைப்பாளர் ஒழுங்காக ஒருங்கிணைத்த காட்சி
குடும்பத்தார் ஆடாது ஓடாது அமர்ந்திருந்ததே சாட்சி
சிறப்பு விருந்தினர் பேசினார் சிறப்போடு
சிறப்புச் செய்தனர் பலபேருக்குப் பொறுப்போடு
முனைவரோ முழங்கினார் புலிக்கொடி ஏந்திய சிங்கமாக
முன்னவராக விளங்கினார் விவரப்படி ஓங்கிய அங்கமாக
உறவு என்றதும் கூடித் திளைத்தோம் பொதுவாக
பிரிவு என்றதும் வாடிக் கலைந்தோம் மெதுவாக!
- தஞ்சை த.இராமநாதன்
