எனது சின்ன அத்தை

எனது சின்ன அத்தை

சிறுவனாக ஓடி ஆடி உற்சாகத்துடன்      அதிகம் விளையாடியது என் வீட்டருகே
அதையடுத்து அதிகம் விளையாடியது        என் சின்ன அத்தை வீட்டின் அருகே

அதிகாலையில் மீசை மிடுக்குடன்                மாமா சுடுவார் சூடான தோசை
இவ்வேளையில் அப்படியொரு தோசை   கிடைத்துண்ண மேலான ஆசை

சீறிப்போன வெடி மருந்தைக் கொட்டி தீக்குச்சியை வைத்துப் பற்ற வைத்தேன்
சீறிப் பாய்ந்த ஒளிச்சூடு வலது கை விரல்களைச் சுட துடித்துக் கரைந்தேன்
சின்ன அத்தை கத்திக் கதறியபோது நேசத்தைக் கண்ணீரோடுக் கண்டேன்

பனை மரங்கள் நிறையக் கண்டது அங்கு
நான் மனம் நிறைய உண்டது நுங்கு
ஏரை ஓட்ட கத்துக் கொடுத்ததும் மாமா
செக்குமாடு பார்த்ததும் அங்கேதான் ஆமா

ஏம்பா ஏன்யா என அழைப்பார் அத்தை
அசைபோடுகிறேன் அத்தை பாசத்தை
தர்மராசா ராமதாசா என்பார் பண்போடு மஹாராசா ராஜராசா என்பார் அன்போடு

பாசத்திற்குக் குறைவில்லாத அத்தை
ரோசத்திற்கும் குறைவில்லாத அத்தை
அவர்தான் என் சின்ன அத்தை ஆயியம்மாள் முருகையன்!

தம்பதியர் வாழ்க பல்லாண்டு!!

- தஞ்சை த.இராமநாதன்

எனது ஏட்டியம்மா

 

எனது ஏட்டியம்மா

செல்லக்கண்ணுவென பெயர் இருந்தாலும் ஏட்டியோடு அம்மா ஒன்றானதால் ஏட்டியம்மா
செல்லமா அப்படி அப்பாடியென இந்த ராமதாஸை அழைப்பவர்தான் ஏட்டியம்மா
கையைப் பிடித்து இளம் வயதில் கதைகள் பல சொல்லி மகிழ்வித்த ஏட்டியம்மா
மணப்பாறை மாடுகட்டி மாயவரம் ஏறு பூட்டி பாடலைப் பாடுவார் ஏட்டியம்மா
அன்பான பாசத்தை இளம் வயதில் அடி மனதில் பதித்தவர் ஏட்டியம்மா
உழைப்பின் வியர்வையால் உயர்வை அடைந்தவர் எனது ஏட்டியம்மா
வாக்கப்பட்டு சேனாபதி வீட்டுக்கு மருமகளாக சென்றார் ஏட்டியம்மா
இருளை மறந்து இரு குளக்கரை கடந்து நடந்து சென்றவனது பாசமிகு ஏட்டியம்மா
காலம் ஓடினாலும் வயது கூடினாலும்                உம் நினைவில் எழுதுகிறேன் ஏட்டியம்மா

நலமுடன் வாழ வாழ்த்துகள் ஏட்டியம்மா!

- தஞ்சை த.இராமநாதன்

சிரித்தாலும் கண்ணீர் கரிக்கும்

 

சிரித்தாலும் கண்ணீர் கரிக்கும்

துயரம் தாங்காத கண்ணைத் தூங்க விடாது சோகம்
தூக்கம் தங்காத கண்ணில் தங்கித் தாக்கிடும் சோகம்
தூக்கக் குறைவால் சோர்ந்துபோன கண்ணில் சேர்ந்திடும் சோகம்

சோகம் நிறைந்த மனதால் கண்ணில் கண்ணீர் சுரந்திடும்
சுமையைச் சுமக்க முடியாத கண்ணில் கண்ணீர் இறங்கிடும்
கன்னம் நனைத்து நாவில் கலந்தால் கண்ணீர் கரித்திடும்

சிரித்தால் கண்ணை விட்டு அகலும் கண்ணீரோ கொஞ்சம்
சிரித்ததால் கொஞ்சமாக அகன்றாலும் உப்புக் கண்ணீரே கொஞ்சும்
அழுவதால் கண்ணை விட்டு அகலும் கண்ணீரே விஞ்சும்
அழுகையால் விஞ்சியபடி அகன்றதும் வறண்ட கண்ணே மிஞ்சும்!

- தஞ்சை த.இராமநாதன் 

தண்ணீருள் குடியிருக்கும் மேகம்

 

தண்ணீருள் குடியிருக்கும் மேகம்

குளிராத மேகத்தைப் பிடித்தது போல் ஒன்றாகச் சுழன்று திரிந்ததும் நீரே
குளிர்ந்த மேகத்தைப் பிடிக்காதது போல்
இரண்டாகக் கழன்று பிரிந்ததும் நீரே

குளிராத மேகம்தனில் நீர் நீராகவும்      இல்லை நீர் நீராவியாகவும் இல்லை
குளிர்ந்த மேகம்தனில் நீர் நீராகவும் நீர் நீரரவியாகவும் இல்லாமல் இல்லை 

மேகத்துள் முகம் மறைத்து மேகத்தின் முகத்தோடு வான்மீது பறந்து திரிந்த நீர்
மேகத்தின் முகம் நிறைத்து வானத்தின் முகத்தோடு மண்மீது பரந்து விரிந்த நீரே!

- தஞ்சை த.இராமநாதன்

கண்ணும் கருத்தும்

 

கண்ணும் கருத்தும்

கண்ணால் கண்டதும் உறுத்தினால் கண்டதைக் கருத்தாக்காது திருந்தலாம்
கண்டபடி கண்டதைப் பார்த்து ஓடினால் கண்டதைக் காணாதபடி திரும்பலாம்

கண்டும் காணாததுபோல் குருடானால் கேட்டும் கேளாததுபோல் செவிடாகலாம்
கண்டபடிப் பேசியதால் ஊமையானால் பேசியதைப் பேசாமல் அமைதியாகலாம்

அண்ணல் நோக்கிய நோக்கலில் சீதையும் நோக்கினள் 
நோக்கிய நோக்கல் நக்கலில் முடியாமல் மணந்தனள் 
கண்ணோடு கலந்து மலர்ந்தது மணமான வாழ்வானது
கருத்தோடு பிளந்து உதிர்ந்தது இனமான தாழ்வானது!

- தஞ்சை த.இராமநாதன்

இல்லாள்

 

இல்லாள்

கள்ளம் கபடமில்லா இல்லாள்
பொன்னும் பொருளுமில்லா இல்லாள்
தன்னலம் தன்னிகரில்லா இல்லாள்
ஆடம்பரம் ஆர்ப்பரிப்பில்லா இல்லாள்

கடமையோடு கண்ணியமிகு இல்லாள்
பண்போடு பாசமிகு இல்லாள்
உண்மையோடு ஊக்கமிகு இல்லாள்
எளிமையோடு ஏற்றமிகு இல்லாள்

சுடும் சொல்லைச் சொல்லாள் இல்லாள்            கடும்  செயலைச் செய்யாள் இல்லாள்
நலம் நாட்டிட நல்லாள் இல்லாள்
குலம் காத்திட உள்ளாள் இல்லாள்!

- தஞ்சை த.இராமநாதன்

எவ்வேளையும் நல்வேளையே!

 

எவ்வேளையும் நல்வேளையே!

எவ்வேளையில் எவ்வேலையைச் செய்ய வேண்டுமோ அவ்வேலையை அவ்வேளையில் செய்யத் தவறியதால்
இவ்வேளையில் இவ்வேலையைச் செய்ய வேண்டிய நிலை வந்ததோ?

எவ்வேலையை  எவ்வேளையில் செய்ய முயன்றாலும் அவ்வேலையை எவ்வேளையிலும் செய்ய இயலாததால் இவ்வேளையில் எவ்வேலையையும் செய்ய முயலாத நிலை வந்ததோ?

இவ்வேளையில் அவ்வேலையோ அவ்வேளையில் இவ்வேலையோ
எவ்வேளையிலும் எவ்வேலையையும் செய்து முடிக்க இவ்வேளையில் சபதம்
எடுக்க எவ்வேளையும் நல்வேளையே!

- தஞ்சை த.இராமநாதன்

வறுத்துக் கடித்தல்

 

வறுத்துக் கடித்தல்

கிறுக்கி கிறுக்கிக் கொண்டே இருந்து கிறுக்கியோள் கிறுக்கியாகி இருந்தால்
கிறுக்கிக் கிறுக்கிக் கொண்டே இருந்து
கிறுக்கியோன் கிறுக்கனாகி இருப்பான்

பொறுக்கிப் பொறுக்கிப் பார்த்தாலும்
பொறுக்கியரே பொறுக்கியர் கூட்டத்தில் காத்திருப்பர்
நறுக்கி நறுக்கியதைப் பார்த்தாலும் நறுக்காததையும் நறுக்கவே திட்டத்தில் வைத்திருப்பர்

வறுத்து வறுத்து வறுத்ததை அடுத்து    வாயில் எடுத்துப் பல்லால் கடிப்பர்
வெறுத்து வெறுத்து வெறுத்ததை அடுத்து கையில் எடுத்துச் சொல்லால் அடிப்பர்!

- தஞ்சை த.இராமநாதன்