பிடித்தக் கைகள்
பிடித்துப் பிடித்தக் கைகள்
கை நழுவிப் போவதுமில்லை
பிடிக்காது பிடித்தக் கைகள்
கை நழுவாமல் போவதுமில்லை
காளைகளைப் பிடித்தக் கைகள்
கரடு முரடானக் கைகளும் இல்லை
கலைகளைப் படித்தக் கைகள்
கரடு முரடாக இல்லாமலும் இல்லை!
- தஞ்சை த இராமநாதன்
வெற்றியின் திறவுகோல்
பூட்டியப் பூட்டை பூட்டியவழியில் திறந்து வழிக் கிடைத்தால் வெற்றி!
திறந்தப் பூட்டை திறந்தவழியில் பூட்டி வழியை அடைத்தாலும் வெற்றி!
- தஞ்சை த இராமநாதன்
யார் நீ?
யார் நீயெனக் கேட்பவனை நீ யாரெனக் கோபக் குரலில் கேட்கும் நாதா!
நீ யாரென உலகிற்குக் காட்டாதது
உன் தவறின்றி வேறெவர் தவறு நாதா? ராஜராஜன் தான்தானென எண்ணி ராஜக் குரலில் பேசிப் பழக்கப்பட்ட நாதா!
ராஜா நீயேதாதெனச் செயலில் காட்டி உன் நிஜ வாழ்க்கையை தொடர்ந்திடு நாதா!
- தஞ்சை த இராமநாதன்
இரைதேடி இரையாகும் வெள்ளாடு
வேலியைத் தாண்டும் வெள்ளாடு
கிளையைத் தாண்டும் வெள்ளாடு
புல்லற்றுத் தள்ளாடும் வெள்ளாடு
புல்லுக்காகப் பலியாகும் வெள்ளாடு
உயிருக்காகப் போராடும் வெள்ளாடு
கறியாகி இரையாகும் வெள்ளாடு!
- தஞ்சை த இராமநாதன்
சுண்டைக்காய் வைத்தியம்
கண்ணில் கண்டதையெல்லாம் கண்டபடி கொட்டிக் கட்டிவிடாமல்
வெண்டைக்காய் சுண்டைக்காயை கறியாக்கி அளவோடு உண்டால்
கண்டக் கண்ட நோயையெல்லாம்
காணாதத் தூரம் விரட்டி விடலாம்!
- தஞ்சை த இராமநாதன்
பொம்மைப் படம்
ஓடா முயலும் ஆடா மயிலும்
பாடா குயிலும் பாடம் பயில வழியேது?
கண்ட முயலுக்கு துள்ளாத வழியேது?
காணும் முயலுக்கு துள்ளும் வழியேது?
வாடாப் பூவில் இருந்திடும் மணமே
வாடியப் பூவில் இறந்திடும் மணமே!
பொம்மையானது படமாகவும் மாறும்
உண்மையானது ஊமையாகவும் மாறும்!
- தஞ்சை த இராமநாதன்
புகையும் பகையும்
முன்னோக்கி முன்னோக்கியேச் செல்லுது
இரயில் வண்டியின் பயணம் பின்னோக்கி பின்னோக்கியேச் செல்லுது இரயில் புகையின் பயணம்
விண்னோக்கி விண்னோக்கியேச் செல்லுது
எரிந்து முடியும் புகை
மண்னோக்கி மண்னோக்கியேச் செல்லுது
பிறந்து தொடரும் பகை!
- தஞ்சை த இராமநாதன்
இலையும் மெத்தை ஆகலாம்
நத்தையின் நித்தைக்கு ஒத்துப்போனது மெத்தையான இலை
நத்தையின் நித்தை இத்தையானது விந்தையான நிலை!
- தஞ்சை த இராமநாதன்
திரும்புகிறது வரலாறு
கொலை செய்து இறக்க வைத்தவன் திக்கற்று திண்டாடுவான்
கொள்ளையடித்து ஊரைக் கெடுத்தவன்
ஊராரால் உதைக்கப்படுவான்
பதவி இருக்கும்போது போலியாக சிங்கம்போல் நடிப்பான்
பதவி இழக்கும்போது பரிதாபமாக அசிங்கப்பட்டு அல்லல்படுவான்
பழிக்குப் பழியென பழிவாங்கக் கூடவே கூடாது
இயற்கையதன் வழியில் பழி வாங்காது விடவே விடாது!
- தஞ்சை த இராமநாதன்
பிடித்தக் கையும் பட்டக் காலும்
பிடித்துப்போன மண் வெடித்துப் பொறுக்கானால் பட்டக்கால் சுடாதா?
பட்டுப்போன மரத்தை கட்டிப் பிடித்துக் கதறினாலும் கைவிட்டுப் போகாதா?
- தஞ்சை த இராமநாதன்
உலகில் புத்தருக்குப் பக்தர்களும் ஏராளம்
உலகில் புத்தருக்கு சிலைகளும் தாராளம்
பக்தர்களின் மன பக்தியால் புத்தருக்குச் சிலைகள் வருகின்றனவா?
பக்தர்களின் பண சக்தியால் புத்தருக்குச் சிலைகள் வருகின்றனவா?
புத்தருக்குச் சிலைமேல் ஆசை என்றும் இல்லவே இல்லை
பக்தருக்குச் சிலைமேல் ஆசை இன்றும் இல்லாமல் இல்லை ஆசைதான் துன்பத்திற்கே அடிப்படைக் காரணம் அது புத்தர் ஆசைதான் இன்பத்திற்கே அடிப்படைக் காரணம் இது பக்தர் ஆசையை அடியோடு துறந்து வாழ்ந்து அரண்மனையை இழந்தார் புத்தர் அரண்மனையை ஆர்வத்தோடு அடைந்து ஆசையின் பிடியோடு வாழ்ந்தால் பக்தர்
இதைப் பார்த்துதான் புத்தர் சிரித்தாரா? இதைப் பார்த்தபின் பக்தர் சிந்திப்பாரா?
- தஞ்சை த.இராமநாதன்
இழுத்துக் கரையேற்றிய நாய்
விழுந்தக் குட்டி வீழ்ந்து விடாமல்
விழுந்தக் குட்டி தொலைந்து விடாமல்
விழுந்தக் குட்டி பயந்து விடாமல்
விழுந்தக் குட்டியைக் காப்பாற்றினாயே!
- தஞ்சை த இராமநாதன்
முட்டையைச் சுற்றி தேனடை
குருவிக் கட்டியது முட்டைக்குக் கூடு
வளைத்துக் கட்டியதோ தேனீக் கூடு
கட்டிய இரண்டும் தனித்தனி வீடு
சேர்ந்தே இருப்பதால் கூட்டணி வீடு
கூட்டுக் குடும்பத்தைப் பிரித்தால் கேடு
கூட்டுக் குடும்பத்தை என்றென்றும் நாடு
உறவுகளைப் பிரியாது உறவைத் தேடு
உரிமையான உறவுக்குள் ஏது கேடு?
கோயிலோடு கோட்டை சேர்ந்ததால் கோழிக்கோடு
இரு ஓடைகள் ஒன்றாய்ச் சேர்ந்ததால் ஈரோடு
தென்னைகள் கூட்டு எங்க கீழக்காடு
காய்கறிகள் கூட்டு நம்ம கோயம்பேடு!
- தஞ்சை த இராமநாதன்
இப்படியும் அணிலா?
ரணில் பிரதமரானது அரசியல் களத்தின் மாற்றம்
அணில் நிறமாறியது அவசரக் காலத்தின் மாற்றம்
ஆட்டம் முடிந்ததால் ரணிலுக்கு
அங்கே கொண்டாட்டம்
தோட்டம் முடிந்ததால் அணிலுக்கு இங்கே திண்டாட்டம்
ஆடி அடங்கும் வாழ்க்கை ஆடாமல் என்றென்றும் அடங்காது
அடங்கப் போகும் வாழ்க்கையை அடக்கிட யாராலும் முடியாது!
- தஞ்சை த இராமநாதன்
சகிப்புத் தன்மை மிகுந்தக் கடமை
தூங்க முடியாதவரை முடிந்தவரை தூங்காதுக் காப்போர் செவிலியர்
தூங்கி விழித்ததும் தூக்கி வைத்து
தாங்கிப் பிடிப்போர் செவிலியர்
வலிக்குது ஊசியென்போரிடம்
வலி காக்கத்தான் ஊசியென்போர் செவிலியர்
வாந்தி எடுப்போரிடம் முந்தி வந்து வாந்தியை எடுப்போர் செவிலியர்
மறதிக்கு மருந்தை அளந்து எடுத்து மறக்காமல் கொடுப்போர் செவிலியர் மருத்துவரை மறந்து விட்டாலும் மறவாத நினைவில் நிற்போர் செவிலியர்!
- தஞ்சை த இராமநாதன்
வெட்டிவிடுவதென்ற முடிவோடு அரிவாளை கர்ச்கர்சென தீட்டியெடுத்து
இடுப்பில் சொருகி தாவித் தாவி ஏறி குலை குலையாய் வெட்டிச் சாய்த்து சிதறியக் காய்களை சீவிப் பார்த்தால் திறந்த மூன்று கண்களும் பளிச்செனத் தெரிவதுதான் கோடைக்கேற்ற நுங்கு!
- தஞ்சை த இராமநாதன்
நனைந்தும் நனையாமலும்
மழையில் நனைந்து துளிர்த்து மகிழும் இரு தளிர்கள்
நனைந்தக் குடைக்குள் நனையாது மகிழும் இரு பாலர்கள்!
- தஞ்சை த இராமநாதன்
சிறை வாழ்க்கை
போதைப் பழக்கத்தால் பேதையாக மாறினால்
வரும் வாழ்க்கை சிறை வாழ்க்கையே
களவாடும் பழக்கத்தால் களவாணியாக மாறினால்
வரும் வாழ்க்கை சிறை வாழ்க்கையே
கொலை வெறியால் கொலையாளியாக மாறினால்
வரும் வாழ்க்கை சிறை வாழ்க்கையே
கொள்ளை வெறியால் கொள்ளையனாக மாறினால்
வரும் வாழ்க்கை சிறை வாழ்க்கையே
கூடவே இருந்து குழி பறித்துக் கொன்றால்
வரும் வாழ்க்கை சிறை வாழ்க்கையே
வேலைக்காரனாக இருந்தவன் வினைக்காரனாக மாறினால்
வரும் வாழ்க்கை சிறை வாழ்க்கையே!
- தஞ்சை த இராமநாதன்
அன்னை - அம்மா - தாய்
எத்தனைப் பிள்ளைகள் இருந்தாலும் தாயின் பாசம் குறைந்ததில்லை
எத்தனைக் கஷ்டம் இருந்தாலும்
பிள்ளைகளுக்கு கஷ்டம் இருந்ததில்லை
பெற்றத் தாயின் இடத்தை மற்றத் தாய் எவராலும் நிரப்ப முடியாது
அப்படி மற்றத் தாய் நிரப்ப முயன்றாலும்
நிரம்பியதாய் வரலாறு கிடையாது
அடிபட்டால் அடி வயிற்றில் இருந்து அதிரும் ஆழமான ஒலி அம்மா
உயிர் போகுமுன் உள்ளிருந்து ஒலிக்கும் ஒரே தெய்வீக ஒலி அம்மா!
- தஞ்சை த இராமநாதன்
கிளிகளுக்குள் வந்தக் கிலி
காலோடு பட்டக் காலில் படபடப்பை அறிகின்றேன் கண்ணே!
இயற்கையின் இயல்பான படைப்பை இழக்கின்றோம் கண்ணா!
கத்திச் சண்டை குத்துச் சண்டை
உலகமிது கண்ணே!
கொத்தித் தின்ற கத்தித் தின்ற
காலமெங்கே கண்ணா?
காட்டை இழந்தோம் வீட்டை இழந்தோம் மனிதரால் கண்ணே!
கூண்டோடு அழிந்து கூண்டும் அழிந்து மாண்டிடுவோமோ கண்ணா?
- தஞ்சை த இராமநாதன்
காடு மலை முதல் வீடு நாடு வரை
காட்டில் கண்ட மயில்கள் நாட்டிலும்
மலையில் கண்ட மயில்கள் வீட்டிலும்
வயலில் இருந்த நெல்லைக் காட்டிலும் வீடுகள் நிறைந்த இடமாய் ஆனதே!
- தஞ்சை த இராமநாதன்
காரல் மார்க்ஸ்
நான்கு வயது மூத்தப் பெண்ணை காதலித்தார்
பெற்றோரின் எதிர்ப்பை எண்ணி பேதலித்தார்
எப்படி எப்படியோ எழுதிப் பார்த்தார் எடுபடவில்லை
ஏழ்மையின் பிடியை எளிதில் முறியடிக்க
முடியவில்லை
பேனா முனைப் போரினை விடாது
தொடர்ந்தார்
எழுத்துப் போரில் தொடர் வெற்றியை
அடைந்தார்
அறிவியலை சேர்த்து பொது உடைமை தந்தார்
சட்டம் படித்ததால் திட்டம் பல வகுத்தும் தந்தார்!
- தஞ்சை த இராமநாதன்
குருவிப் பாட்டு
என்னக் கிடைக்கும் என்று தெரியாது ஆனாலும் ஏதாவது கிடைக்கும் என்று நம்பி வாழ்வதுதான் வாழ்க்கை!
சேர்த்து வைக்க என்றுமே தெரியாது
ஆனாலும் சேர்ந்ததை வைத்து பகிர்ந்து உண்டு வாழ்வதுதான் வாழ்க்கை!
பசி தாங்கா பிள்ளைகளின் பசியைப் போக்கி பசி தாங்கி வாழும் பெற்றோரின் வாழ்க்கைதான் தியாக வாழ்க்கை!
பிறந்தது முதல் இறக்கும் வரை போராட்டமென சோர்ந்து விடாமல்
போராடும்போதே முடிந்து விடுவதுதான் வாழ்க்கை!
- தஞ்சை த இராமநாதன்
ரமலான் 2022
கடந்த இரண்டு வருட வழிபாடு புதிதான அனுபவத்துடன் நடந்து முடிந்தது
இந்த வருட வழிப்பாட்டை பழமையான அனுபவ முறையில் நடத்த முடிந்தது
இல்லாதவருக்கு இருப்போர் உதவுவது பண்புகளில் பன்மடங்கு மகத்தானது
அதிலும் தெரியாதவருக்கு உதவுவது மாண்புகளில் எல்லாம் மகத்தானது
பசியோடு இருந்து பசியின் உணர்வை உணர்வோடு உணர்வது உயர்வானது
உயிரோடு வாழும்வரை உறுதியானக் கொள்கையுடன் வாழ்வது உயர்வானது!
- தஞ்சை த இராமநாதன்
தீச்சட்டியின் தீவட்டி
பூச்சட்டியென எண்ணி தீச்சட்டியைத் தூக்குவோர் தரத்தில் தாழ்ந்தவரா?
ஆராதனை தாம்பூலத்தைத் தூக்கிச் சுற்றுபவர் தரத்தில் உயர்ந்தவரா?
தேரை இழுத்து தெருவில் நடப்பவர்
என்றென்றும் தரத்தில் தாழ்ந்தவரா?
இழுக்கும் தேரில் அர்ச்சனை செய்பவர்
என்றென்றும் தரத்தில் உயர்ந்தவரா?
பெண்கள் முன்பு மேலாடை அணியாது அர்ச்சனை செய்வோர் தாழ்ந்தவரே!
கையில் சுட்டாலும் மெய்யில் பட்டாலும் தீச்சட்டியைத் தூக்குவோர் உயர்ந்தவரே!
- தஞ்சை த இராமநாதன்
உழைப்பும் உழைப்போரும் பலவிதம்
கோடியில் சம்பாதிப்போர் மேலும் பெரிய கோடிகளை சம்பாதிக்க உழைக்கின்றார்
கேடியாகி சம்பாதிப்போர் மேலும் பெரிய கேடியாகி சம்பாதிக்க உழைக்கின்றார்
மருத்துவர் மருத்துவம் மூலம் பணம் சம்பாதிக்க அயராது உழைக்கின்றார்
அரசியல்வாதி அரசியல் மூலம் பணம் சம்பாதிக்க தளராது உழைக்கின்றார்
ஏமாற்றுபவர் ஏமாற்றவே தொடர்ந்து
ஏமாற்றி சம்பாதிக்க உழைக்கின்றார்
ஏமாறுபவர் ஏமாறியதோடு தொடர்ந்து
ஏமாறவே உழைத்து சம்பாதிக்கின்றார்
அன்றாடக் கூலி ஊழியர்கள் குடித்துக் கெடவே உழைத்து சம்பாதிக்கின்றார்
குடி கெடுக்கும் குடியைத் தயாரிப்பவர்
குடியைக் கொடுத்து சம்பாதிக்கின்றார்!
- தஞ்சை த இராமநாதன்
