ஆவண செய் ஆதிசிவனே!
விட்டுக் கொடுத்து விருப்பங்கள் நிறைவேறட்டும்
தட்டிக் கொடுத்து திருப்பங்கள் உருவாகட்டும்
காப்பாற்றும் எண்ணம் தரணியில் ஓங்கட்டும்
ஏமாற்றும் எண்ணம் பரணியில் தூங்கட்டும்
அம்பைத் தொடுத்து உயிரைக் கொல்லும் கூட்டம் குறையட்டும்
அன்பைக் கொடுத்து உலகை வெல்லும் கூட்டம் நிறையட்டும்
கார்த்திகைத் தீபத் திருநாளில் ஆதிசிவன் ஆவண செய்யட்டும்!
- தஞ்சை த.இராமநாதன்
திருக்குறளை மறுத்தலே சரி
திருக்குறளைப் போற்றிப் புகழாத தமிழர் புவியில் இருந்ததும் அரிது
திருவள்ளுவரைப் புகழ்ந்து பேசாத தமிழர் தரணியில் இருப்பதும் அரிது
பட்டி தொட்டியெல்லாம் வள்ளுவம் ஓங்கி ஒய்யாரமாய் ஒலிக்கின்றது
பட்டி மன்றத்திலெல்லாம் வள்ளுவரின் வாசகம் வானைப் பிளக்கின்றது
வள்ளுவரின் இரு அதிகாரங்களை அதிகமானோர் அறவே ஒதுக்குகின்றார்
ஒதுக்குவதை ஒத்துக் கொள்ளவும் மானம் வெட்கம் இல்லாது மறுக்கின்றார்
கள்ளுண்ணாமையில் (93) வள்ளுவர் மதுக் குடிப்போரைச் சாடுகின்றார்
மதுப் போட்டால்தான் நம்மாள் குறளைச் சக்கைப்போடு போடுகின்றார்
புலால் மறுத்தலில் (26) வள்ளுவர் மாமிசம் உண்போரை வெறுக்கின்றார்
நம்மவரோ குறளைப் பேசிக்கொண்டே ஆடு மாடு குரலை நறுக்கின்றார்
குடித்து குடியைக் கெடுப்போர் குறளைக் குரலில் குறைத்தலே சரி
புண்ணைத் தின்று உடலை வளர்ப்போர் குறளை மறுத்தலே சரி!
- தஞ்சை த.இராமநாதன்
தீபாவளி தமிழர் பண்டிகைக் கிடையாது அதைக் கொண்டாடக் கூடாதென்றால்
சாராய விற்பனை ஆண்டுக்கு ஆண்டு
தீபாவளிக்கு அதிகரிக்கிறதென்றால்
சாராயம் குடித்து குதூகலமாய்க் கொண்டாடுபவர்கள் தமிழர்கள் இல்லையா? சாராயத்தை விற்றுப் பிழைப்பவர்களில் தமிழர்களே இல்லையா?
தீபாவளி தமிழர் பண்டிகை இல்லவே இல்லையென உரக்கக் கத்தினாலும்
வெடி விற்பனை ஆண்டுக்கு ஆண்டு தீபாவளிக்கு அதிகரிக்கிறதென்றால்
வெடியை வெடித்து அமர்க்களமாய்க் கொண்டாடுபவர்கள் தமிழர்கள் இல்லையா? வெடியை விற்றுப் பிழைப்பவர்களில் தமிழர்களே இல்லையா?
தீபாவளி தமிழர் பண்டிகை இல்லவே இல்லையெனத் தெருவெங்கும் கூவினாலும்
ஆடை விற்பனை ஆண்டுக்கு ஆண்டு தீபாவளிக்கு அதிகரிக்கிறதென்றால்
வாங்குபவர்கள் தமிழர்கள் இல்லையா? ஆடையை விற்றுச் சம்பாதிப்பவர்களில் தமிழர்களே இல்லையா?
தீபாவளி தமிழர் பண்டிகை இல்லவே இல்லையெனச் சொல்லும் சிலர்கள் தீபாவளியைக் கொண்டாடும் பலரின் வாக்கு தேர்தலில் வேண்டவே வேண்டாமெனச் சொல்லி முழக்கமிட முனைவார்களா?
அந்தச் சிலர் பலரை அவமானப்படுத்தினால் பாரினில் பலவாறு அவமானப்படுவார்கள்!
- தஞ்சை த.இராமநாதன்
உணர்வோடு ஒளி சேர்ந்த இதயத்தைத் தூய்மைப்படுத்திடணும் இத்தீபாவளி
பழமையும் புதுமையும் கலந்த இவ்வுலகை வாழ்விக்க வித்திடணும் இத்தீபாவளி
உழைத்துக் களைத்து இளைத்தோரை நல்வழிப்படுத்திடணும் இத்தீபாவளி
ஏய்த்துப் பிழைத்துக் கூத்தாடுவோரை மெய்வழிப்படுத்திடணும் இத்தீபாவளி
இருள் அகன்றிட நல் அருளைக் கொடுத்திடணும் இத்தீபாவளி
இல்லாமை அகன்றிட வெள்ளாமைக் கொடுத்திடணும் இத்தீபாவளி
முயலாது முடியாத இயலாமையை இல்லாது ஆக்கிடணும் இத்தீபாவளி
வறுமைக் கொடுமையே இல்லாது பெருமை ஆக்கிடணும் இத்தீபாவளி
தெரிந்து அறிந்த பொறாமையை அடியோடு அகற்றிடணும் இத்தீபாவளி
துணிந்து கொல்லும் பொல்லாமையை முடிவோடு அழித்திடணும் இத்தீபாவளி
உடலோடு உள்ளத்தையும் இல்லத்தோடு அகிலகத்தையும் சுத்தமாக்கிடணும் இத்தீபாவளி!
- தஞ்சை த இராமநாதன்
காவிரியை வைத்து அரசியல்
வருடந்தோறும் காவிரிப் பிரச்சினையை ஆரம்பித்து வைப்பது அரசியலின் சதி
வருடந்தோறும் காவிரிப் பிரச்சினையைத் தீர்த்து வைப்பது இயற்கையின் விதி
கொடு கொடு எனப் போராட வைப்பது இந்தப்புற கேட்டிடும் அரசியல்
தடு தடு எனப் போராட வைப்பதோ அந்தப்புற தடுத்திடும் அரசியல்
காவிரி காய்ந்து போனால் சூடாகிப் படுத்திவிடும் அரசியல்
காவிரி பாய்ந்து போனால் குளிராகிப் படுத்துவிடும் அரசியல்
தந்திரமாக அணையை நிரப்பிட வழிந்தோடு காவிரித் தாயே!
நிரந்தரமாக அரசியலை நிறுத்திட மகிழ்ந்தோடு காவிரித் தாயே!
- தஞ்சை த.இராமநாதன்
வாங்கித் தின்னும் கூட்டமானோமோ?
வந்தாரை வாழ வைத்ததுப் போய்
இருந்தாரை வீழ வைத்தாயே ஓய்
மேழி பிடித்து ஏர் உழுததுப் போய்
எருதுகூட இல்லாதுப் போனதே ஓய்!
ஊருக்கே உணவளித்ததுப் போய் வாங்கித் தின்னும் நிலை வந்ததே ஓய் இல்லாதோர்க்கு அரிசி கொடுத்ததுப் போய்
இலவச அரிசி பிச்சை இல்லையா ஓய்?
தமிழனுக்கு உழவு வேலை மறந்து போய்
மாற்றோரை உழவு செய்ய விட்டாயே ஓய்
வைக்கோலில் போர் போட்டதுப் போய் அதை சுருட்டி வயலில் போட்டுட்டியே ஓய்!
புரியாத நாத்திகத்தைப் பேசப் போய்
புரிந்த ஆத்திகத்தை மறந்திட்டியே ஓய்
அந்நிய அநாகரிகத்தை அடையப் போய்
தனி நிலை நாகரிகத்தை இழந்திட்டியே ஓய்!
- தஞ்சை த.இராமநாதன்
ஆம்பலாப்பட்டு காயாவர்ணம் கண்டியர்
தன் மானத்திற்காகச் சிவப்புத் துண்டு அணிந்த தோழர்
தன் இனத்திற்காகச் சிறப்புத் தொண்டு புரிந்த சோழர்
கண்ட கொள்கையை என்றென்றும் தேடாதவர்
கொண்ட கொள்கையை என்றென்றும் விடாதவர்
சொந்த பந்தத்திற்கு மிகுந்த உபசரிப்பு உண்டு
பந்த பாசத்திற்குத் தகுந்த அரவணைப்பு உண்டு
தானாக வந்து எந்த வம்புக்கும் சென்றது இல்லை
தானாக வந்த எந்த வம்பையும் விட்டதும் இல்லை
தன் நில வளத்தோடு தன் குலத்தைக் காத்தவர்
தன் குல வீரத்தோடு தன் நிலத்தைக் காத்தவர்
கள்ளம் கபடமற்ற நல்ல மனமுடையக் கண்டியர்
பலம் பெற்ற நல்ல வலிமையுடையச் சண்டியர்
என் பிரியமான பெரியம்மாவிற்கு அருமையான கணவர் என் பெரியப்பா
என் அக்காயி அண்ணய்யா தங்கச்சிக்கு அருமையான அப்பா என் பெரியப்பா!
- தஞ்சை த.இராமநாதன்
