இட்லியோ இட்லி
தென்னிந்திய சத்தான உணவு வகை இட்லி
தமிழ்நாட்டின் கெத்தான உணவு வகை இட்லி
இருப்போர்க்கும் ஏற்ற உணவு வகை இட்லி
இல்லார்க்கும் ஏற்ற உணவு வகை இட்லி
உளுந்தும் அரிசியும் நன்னீரில் நன்றாக ஊறும்
அரைபட்டு பக்குவமாக மாவாக பூபோல் உருமாறும்
இரவு முழுதும் ஒன்று கலந்து நொதித்துப் பொங்கும்
மாவை அவித்தால் உடனே சாப்பிட மனம் ஏங்கும்
சாம்பாருடன் இட்லிக்கு தாராளக் கூட்டணி
தேங்காய்ச் சட்னியுடன் தரமானக் கூட்டணி
மிளகாய்ச் சட்னியுடன் காரசாரக் கூட்டணி
தக்காளிச் சட்னியுடன் சமபந்திக் கூட்டணி!
- தஞ்சை த இராமநாதன்
No comments:
Post a Comment