உண்ணும் முன் உழவைப் போற்று

 

உண்ணும் முன் உழவைப் போற்று

உழுதவரெல்லாம் உழுததையும் விட்டு உழுத ஊரையும் விட்டுவிட்டு மற்ற ஊருக்கு ஓடுகிறார்கள்

உழுபவரெல்லாம் மாட்டையும் விட்டு உழுத கலப்பையையும் விட்டுவிட்டு உழவூர்தியை நாடுகிறார்கள்

உழுதவரே உழவை நினைக்க விரும்பாத உலகில் உண்பவரா நினைப்பார்? உடனடி உணவை உண்டு பெருத்த உலகினரா உழவைப் போற்றுவார்?

உண்மையாக உழைத்தவனை வதைத்து உழவனின் ஊதியத்தைக் குறைத்து உழவின் பெருமையை மறைத்தாலும் உண்ணும் முன் உழவைப் போற்றாதோர் உண்ட பின் உணர்வோடு போற்றுக!

- தஞ்சை த.இராமநாதன்
  சிங்கப்பூர்