வயதுக்கேற்ற அழகு

வயதுக்கேற்ற அழகு

துள்ள முடிந்த வயதில் துள்ளியமை அழகு
துள்ளல் முடிந்த வயதில் துள்ளாமை அழகு
துள்ள முடிந்தபோது துள்ளி முடித்தமை அழகு
துள்ள முடியாதபோது தள்ளி வைத்தமை அழகு

சிரித்தாலே குழி விழுந்த இள முகமும் அழகு
சிரிக்காமலே குழி விழுந்த கிழ முகமும் அழகு
வாழ்ந்ததைப் பற்றி கவலைப்படாததும் அழகு
வாழ்வதைப் பற்றி கவலைப்படுவதும் அழகு

கற்க வேண்டியதை கற்காதக் காலமும் அழகு
கற்காதப் பாடத்தை கற்பிக்கும் காலமும் அழகு
ஓடி அடங்கி களைத்துப் போனதும் அழகு
நாடி அடங்கி இளைத்துப் போனதும் அழகு!

- தஞ்சை த.இராமநாதன்