உள்ளங்கையில் உலகம்

 

உள்ளங்கையில் உலகம்

தக்கத் தருணத்தில் நல்ல உதவி
கிடைக்குமென நினைப்பது நம்பிக்கை
தக்கத் தருணத்தில் மெல்ல நழுவிச் செல்வது பலருக்கு வாடிக்கை
உழைப்புக்கு ஏற்ற ஊதியம் கேட்டு போராடிக் கொண்டிருப்பது கோரிக்கை
உழைப்போரை ஏமாற்றி வேடம் போட்டு
சுரண்டிக் கொண்டிருப்பது வேடிக்கை
தேர்தலுக்குத் தேர்தல் தன் தொகுதி சிங்கப்பூர் ஆகுமென்பது அறிக்கை
தேர்தலுக்குப் பின் ஏழை வாக்காளருக்கு          கிடைப்பதில்லை உண்ணப் பருக்கை
உழைத்ததால் உள்ளங்கை காய்த்துப்போய்    காணாமல் போனதோ கையில் ரேகை
வண்ணமாக வரைந்து பூமத்திய ரேகை வந்தாலும் மறைந்ததோ கையின் ரேகை!

- தஞ்சை த இராமநாதன்