கருவூராம் கரூர்
படைப்புத் திறனை பிரம்மன் மீட்டக் கரு ஊராம் கரூர்
பிரம்ம தீர்த்தம் உள்ள பிரம்மனின் குள ஊராம் கரூர்
காவிரி ஆறு கரைபுரண்டு பாய்ந்து ஓடும் ஊராம் கரூர்
அமராவதிக் கரையில் அமைந்த வஞ்சி ஊராம் கரூர்
அயல்நாட்டு வணிகம் அப்போதே செய்த ஊராம் கரூர்
ரோமாபுரியுடன் ரொம்ப தொடர்பு மிக்க ஊராம் கரூர்
ஆடியில் அமராவதித் தாயை போற்றும் ஊராம் கரூர்
போர்க்கள நினைவுச் சிலைகளைக் கொண்ட ஊராம் கரூர்
மங்களகர கோயில்களைக் கொண்ட ஊராம் கரூர்
ஆத்தூர் சோழியம்மன் கோயில் இருக்கும் ஊராம் கரூர்
மதுக்கரை செல்லாண்டியம்மன் இருக்கும் ஊராம் கரூர்
கொசுவலை உற்பத்தியில் முன்னணி ஊராம் கரூர்
பேருந்து கூடு கட்டுதலிலும் முன்னணி ஊராம் கரூர்
நல்லாசிரியர் க.பரமத்தி செல்வக்கண்ணன் ஊராம் கரூர்
பேராசிரியர் க.பரமத்தி முனைவர் மு.ஈஸ்வரமூர்த்தி ஊராம் கரூர்!
- தஞ்சை த இராமநாதன்
No comments:
Post a Comment