திண்டீஸ்வரமெனும் திண்டுக்கல்
எதிரியால் திறக்க முடியாத பூட்டுக்கும் திண்டுக்கல்
எளிதில் திறக்க உதவும் சாவிக்கும் திண்டுக்கல்
மலையின் மேல் உள்ள கோட்டைக்கும் திண்டுக்கல்
இலையின் மேல் நல்ல பிரியாணிக்கும் திண்டுக்கல்
கல்மலையின் தலையணை பெயரில் திண்டுக்கல்
திண்டி அழிந்து திண்டீஸ்வரம் பெயரில் திண்டுக்கல்
வீர வேலுநாச்சியார் வாழ்ந்தக் கோட்டை திண்டுக்கல்
ஹைதர் அலி அரசாண்டக் கோட்டை திண்டுக்கல்
மலையில் கோட்டை அம்மன் உள்ள திண்டுக்கல்
பேகம்பூரில் பெரிய பள்ளிவாசல் உள்ள திண்டுக்கல்
புனித ஜோஸப் தேவாலயம் உள்ள திண்டுக்கல்
இறைவி அபிராம்பிகையாக உள்ள திண்டுக்கல்
வெட்டியக் கல்லென்றால் அது துண்டுக்கல்
தூக்க முடியாதக் கல்லென்றால் அது குண்டுக்கல்
கட்டுமானக் கல்லென்றால் அது முண்டுக்கல்
கண்கவர் கல்லென்றால் அதுதான் திண்டுக்கல்!
- தஞ்சை த இராமநாதன்
No comments:
Post a Comment