கொலுவில் மெய்மை
படிப்படியாக முன்னேற வேண்டும் படிப்போடு முன்னேற வேண்டும்
படியேறாமல் படியை நீர் இகழாதீர் படியாமலே முன்னேற நினைக்காதீர்
படி மேல் படி அறிவைக் குறிக்கும் அடிப்படி அடிப்படையைக் குறிக்கும்
புல் பூண்டு புழு விலங்கு நிலை மாறும் மனிதமும் மகான் நிலைக்கு மாறும்
உயரே நிலைத்தது தெய்வ நிலை மாற்றார்க்கு அது ஆற்றல் நிலை
தெரியாததை தெளிவதே நம்மறிவு ஆராய விரும்பாததா நம்மறிவு?
கொலு மூலம் அறிவது இனிது பொம்மை மூலம் உணர்வது எளிது
பொம்மைகளுக்கு ஆக்கம் தருவது மண் ஆடி அடங்கி அடையுமிடமும் அதே மண்!
சமத்துவ படம் இருப்பது இதோ இங்கே சரியான பாடம் இருப்பதும் இதோ இங்கே
மெய்ப்பொருளைத் தேடுக எங்கும் எதிலும் அப்பொருளைக் காண்க இங்கும் இதிலும்!
- தஞ்சை த இராமநாதன்
No comments:
Post a Comment