அடிக்கு மேல் அடி கிடைக்கும்

பித்தலாட்டம் செய்தால் பிள்ளையாரால் கிடைக்கும் அடி பிள்ளையாரடி
ஆதிக்கத்தால் ஆடினால் ஆதிசிவனால் கிடைக்கும் அடி அகிலமும் அதிரும் அதிரடி
குலத்தைக் குளறுபடி செய்து குழப்பினால் குலை நடுங்கும் அடி குலதெய்வத்தடி
கத்தி ஆடி சுற்றி ஓடி ஒளிந்திட்டாலும் அழித்துக் காட்டும் அடி அறுபடை வேலனடி
எல்லை மீறி கூத்தாடிக் குதித்திட்டால் குட்டு வைத்து குந்த வைக்கும் அடி  ஐயனாரடி!

ஆறடிக்குள் அடங்குமுன் போராடிப் பெறுவதோ பேரிடி

இதைப் புரிய வைக்க பண்டை நிலத்தில் நின்று பறையடி

இயற்கையை வணங்கி அடைந்திடு இறையடி!

- தஞ்சை த.இராமநாதன்