ஆடிப் பெருக்கே கூட்டிப் பெருக்கே

ஆடிப் பெருக்கெடுப்பில் கூடிக் களித்து கதையைக் கதைக்கலாம்
கூடிக் களித்தபின் தேடிப் பிடித்து விதையை விதைக்கலாம்

வெடித்த பொருக்கையெல்லாம் ஆடிப் பெருக்கில் மூழ்கடித்து மகிழலாம்
தொடுத்த போரையெல்லாம் ஆடிப் பெருக்கில் முறியடித்து முடிக்கலாம்

பொறாமை உணர்வை ஆடிப் பெருக்கில் அடியோடு அடித்துப்போக வேண்டலாம்
பொறுமை உணர்வின் முடிவோடு ஆடிப் பெருக்கில் அடியெடுத்துப்போகத் தூண்டலாம்

பிரிந்தோரால் விரிந்த பிளவைச் சேர்த்து ஆடிப் பெருக்கில் குறுக்கலாம்
புரிந்தோரால் மலர்ந்த உறவைச் சிதைக்காது கூட்டிப் பெருக்கலாம்!

- தஞ்சை த.இராமநாதன்