கொடுக்கல் வாங்கல்

 

கொடுக்கல் வாங்கல்

பேரைப் புகழோடுப் பெற முடியாததைப் பணம் கொடுத்து வாங்கி விடுவதும்
பதவியைப் படித்துப் பெற முடியாததை இனம் கெடுத்து வாங்கி விடுவதும்

கொடுக்க முடிந்ததைக் கொடுத்துக் கொடுத்தே முடிந்தவராகி விடுவதும்
வாங்க முடிந்ததை வாங்கி முடித்துக் கொடுத்து வைத்தவராகி விடுவதும்

கொட்டிக் கொட்டித் தீர்த்து நீர் தீர்ந்து
முடிந்ததாலும் மேகம் கொட்ட வருவதும்
வாங்கி வாங்கி தீர்த்து நீவிர் வாங்க வழியின்றி வாழ்வு முடிந்து விடுவதும்

அரசியலில் சகஜமப்பா என்றாலும்
வாழ்வியலின் சாராம்சம் இதுதானப்பா!

- தஞ்சை த.இராமநாதன்