வெடிப்பதும் வெடிக்காததும் வெடியே

 

வெடிப்பதும் வெடிக்காததும் வெடியே

கல்லில் வைத்து கல்லால் அடித்து வெடிக்க வைப்பது கேப் வெடி
சுருள் துப்பாக்கியினுள் சுற்றி வைத்து
அமுக்கி வெடிப்பது சுருள் கேப் வெடி
பற்ற வைத்ததும் திரிபோல் வந்து திகைக்க வைப்பது மாத்திரை வெடி
சுற்றி சுழன்று ஒளியோடு சேர்ந்து
புகையைத் தருவது சங்கு சக்கர வெடி
விளக்கில் பட்டு சிறிது வெளிச்சம் தந்து
பல நிறத்தில் ஒளிர்வது பென்சில் வெடி
கம்பியோடு இருந்து கம்பீரமாய் எரிந்து கரிபோல் முடிவது கம்பி மத்தாப்பு வெடி
பம்பரம்போல் இருந்து பற்றிப் பொறிந்து  புஷ்சென முடிவது புஷ் வான வெடி
உயரேப் பறந்து அதிர்ந்து வெடித்து
அசர வைப்பது அணுகுண்டு வெடி
சரமாய் சேர்ந்து சரசரவென வெடித்து
ரசிக்க சிரிக்க வைப்பது சீனி வெடி
நெருப்புப் பட்டதும் குதித்துப் பறந்து
இருமுறை வெடிப்பது இரட்டை வெடி
வண்ணத்துடன் பெரிதாக அமைந்து
காகிதத்தை சிதறடிப்பது லஷ்மி வெடி!

- தஞ்சை த.இராமநாதன்