பறை எங்கே?

 

பறை எங்கே?

ஒற்றைப் பறையென்பது செய்தியைப் பரப்ப தெருவில் அடிக்கப்பட்டப் பறை

கூட்டுப் பறையென்பது குழுவாகச் சேர்ந்து சேவைக்காக அடிக்கப்பட்டப் பறை

எப்பறையென்றாலும் அப்பறைக்கு அக்கறைத் தேவை சிறப்பாக அடிக்க

அக்கறையே இல்லாமல் போனதால் தேவையேயில்லை இப்பறையை அடிக்க

வைக்கோலைக் கொளுத்தி சுற்றி நின்று காய வைப்பர் பறையை

மார்கழிக் குளிரை மறந்து ஆட்டம் ஆட அடித்து வெளுத்து வாங்குவர் பறையை

பரம்பரைப் பண்பாட்டில் கிராமமெங்கும் அன்று அடித்து ஒலிக்கப்பட்டப் பறை

பரிணாம சீர்கேட்டில் கிராமமெங்கும் இன்று அழித்து ஒழிக்கப்பட்டப் பறை!

- தஞ்சை த இராமநாதன்