அது அந்தக் காலம்
அடுப்பூதி சமைத்ததெல்லாம் அந்தக் காலம் - அய்யா அந்தக் காலம்!
ஊதா அடுப்பு வந்த போதும் சமைக்காதது இந்தக் காலம் - அய்யோ இந்தக் காலம்!
வீட்டில் இருந்து பிள்ளையை வளர்த்தது அந்தக் காலம் - அய்யா அந்தக் காலம்!
வேலையே வேலையானதால் பராமரிப்பு நிலையம் வந்தது - இந்தக் காலம் அய்யோ இந்தக் காலம்!
மூத்தோரை வீட்டில் வைத்து கவனித்தது அந்தக் காலம் - அய்யா அந்தக் காலம்!
முதியோருக்கு தனி இல்லம் வந்தது இந்தக் காலம் - அய்யோ இந்தக் காலம்!
வந்தோரையெல்லாம் வாழ வைத்தது அந்தக் காலம் - அய்யா அந்தக் காலம்!
ஊர் ஊராய் ஓடி வாழ்வைத் தேடுவது இந்தக் காலம் - அய்யோ இந்தக் காலம்!
- தஞ்சை த இராமநாதன்
No comments:
Post a Comment