என்றென்றும் தமிழ்
(தாய்மொழி நாள் 21 Feb '21)
தமிழுக்கு எதிரிகள் அதிகமா? தமிழருக்கு எதிரிகள் அதிகமா?
தமிழுக்கு தமிழரே எதிரியா? தமிழருக்கு தமிழரே எதிரியா?
வந்தாரை வாழ வைத்தது தவறோ? வந்தவரை உயர்த்திப் பார்த்ததும் தவறோ?
நாடாண்ட தமிழ்ப் பரம்பரை எங்கே? பங்காளிப் பகையால் வீழ்ந்தது இங்கே!
ழகரம் வராதது தமிழின் தவறா? தவறாய்ப் பேசும் தமிழரின் தவறா?
தகுதியற்றவர்கள் தலைவர்கள் ஆனதும் தமிழரின் தவறே!
தமிழறியாதவர்கள் தலைவர்கள் ஆனாலும் தமிழரின் தவறே!
கூஜா தூக்கியவன் கோடீஸ்வரன்! ஜால்ரா அடித்தவன் ஆளுமைக்காரன்!
நல்லவர்கள் நலிந்ததும் கொடுமை! தீயவர்கள் கூத்தாடுவதும் கொடுமை!
நல்லவர்களை நாம் மறப்பது சரியா? நம் தமிழை தரம் தாழ்த்தியதும் சரியா?
வீரர் இராசேந்திரனுக்கு வீரவணக்கம்! வடித்த சிற்பிக்கு கோடி வணக்கம்!
- தஞ்சை த இராமநாதன்
No comments:
Post a Comment