வயதானோரை வாட்டி வதைப்பதேன்?
அலையாமல் அரை வயிறு நிறைவதும் கிடையாது
அலைந்தாலும் முழு வயிறு நிறைவதும் கிடையாது
அலைவோருக்கு வெயிலின் சூடு சுடுவதே தெரியாது
அலையாதோருக்கு வெயிலின் சூடு சுடுமென்பதே தெரியாது
வந்தாரை மட்டும் வாழ வைத்தால் அது இனத்தின் வறட்டு கெளரவம்
இருப்போரை அலைய வைத்தால் அது இனத்தின் குருட்டுக் கேவலம்
இருந்ததை இழந்து நொந்தால் முரட்டுக் குணத்தின் முட்டாள்தனம்
இருப்பதையும் இழந்து வீழ்ந்தால் வெட்டிக் குலத்தின் கோழைத்தனம்
இழுவண்டி அப்போது மிதிவண்டியாகி மதியோடு வீதிக்கு வந்தது
மிதிவண்டி இப்போது தள்ளுவண்டியாகி சதியோடு சாலைக்கு வந்ததது
மிதிவண்டியைத் தளராமல் தள்ளும் வீரனுக்கு வீர வணக்கம்
உயிருள்ளவரை உழைக்க நினைக்கும் உத்தமனுக்குத் தீர வணக்கம்!
- தஞ்சை த.இராமநாதன்
No comments:
Post a Comment