தமிழா தமிழை தமிழெனு தமிழா

 

தமிழா தமிழை தமிழெனு தமிழா 

தமிழைக் காக்க தமிழனுக்குப் பணம் தேவையா?                                                    தமிழைக் காக்க தமிழனுக்கு மனம் தேவையா?

தமிழை தமிலெனக் கூறிக் கொல்லுவோர் அதிகமா?                                                          தமிழை தமிழெனவே சரியாகச் சொல்லுவோர் அதிகமா?

பழத்தை பலமெனக் கூறி தமிழை பலவீனமாக்குவோர் அதிகமா?              பழத்தை பழமெனவேக் கூறி தமிழை பலமாக்குவோர் அதிகமா?

தமிழை சரியாக உச்சரிப்போரை உபசரிப்போர் அதிகமா?                            தமிழை சரியாக வணிகமாக்குவோரை    அனுசரிப்போர் அதிகமா?

தன் புகழுக்காக தமிழை முன் நிறுத்துவோர் அதிகமா?                                                        தமிழின் புகழுக்காக தமிழை முன் நிறுத்துவோர் அதிகமா?

தாய்மொழிப் பேசும் சாமானியத் தமிழன் தேர்தலில் வெல்வது அதிகமா?          வாய்மொழிப் பேசும் எஜமானியத் தமிழன் தேர்தலில் வெல்வது அதிகமா?

- தஞ்சை த இராமநாதன்