தன் நிலையும் தன் நிழலும்

 

தன் நிலையும் தன் நிழலும் 

நிழலே நிழலே நிலையான நிழலை நிலையாக நின்று தராததேன்?
நிழலே நிழலே நிலையற்ற மனிதரை விடாது நடந்து தொடர்வதேன்?

நிழலே நிழலே நிழலின் நிறத்தை மனிதருக்கு மனிதர் மாற்றாததேன்?
நிழலே நிழலே நிழலின் நீளத்தைக் கூட்டிக் குறைத்துக் காட்டுவதேன்?

நிழலே நிழலே நிலவினால் நிழலானால் குளிரைத் தாங்க போர்த்தாததேன்?
நிழலே நிழலே சூரியனால் நிழலானால்
சூட்டைத் தாங்க குடைப் பிடிக்காததேன்?

நிழலே நிழலே சிறுவனின் நிழலை பெரியவராய்க் காட்டி நிற்பதேன்?
நிழலே நிழலே சிறுவனின் நிழலில் நீதி அரசரின் நிழலைக் காண்பிப்பதேன்?

- தஞ்சை த இராமநாதன்